"Söyüş müxalifəti"nin ifşa prosesi başladı: "Kimlərdənsə pul alıb, ölkəsinə qara yaxmaq müxalifətlik deyil" - Politoloq

"Söyüş müxalifəti"nin daxilində ifşa prosesi başlayıb. Qarşılıqlı ittihamlardan bəlli olur ki, guya təqib olunan və buna görə "mühacir" etmiş bu kəslər "demokratiya", "insan haqları" kimi məsələlərin arxasına sığınaraq, şantaj yolu ilə pul qazanır.Qarayaxma kampaniyası aparan "söyüş müxalifəti"nə hansı cəza verilə bilər?

Məsələ ilə bağlı politoloq Sədrəddin Soltan Sonxeber.az-a açıqlama verib.

Politoloq bildirib ki, Azərbaycana qarşı olan qüvvələrin verdiyi mövzular ətrafında danışmaq, reallığı əks etdirməyən fikirlər səsləndirmək Azərbaycanın imicinə zərbə vurmağa cəhddir.

"Azərbaycana qarşı olan qüvvələrin himayəsinə sığınıb, onlardan qonorar alaraq öz ölkəsinə qarşı əsassız, ədəb-əxlaqa zidd fikirlər sözləmək demokratiyanın göstəricisi deyil. Bu hallar daha da zəiflikdir. Bu demokratiyanın verdiyi bir sıra azadlıqlardan, insan hüquqlarından sui-istifadədir. Azərbaycana qarşı olan qüvvələrin verdiyi mövzular ətrafında danışmaq, reallığı əks etdirməyən fikirlər səsləndirmək Azərbaycanın imicinə zərbə vurmağa cəhddir. Bu işi Azərbaycanın bütün düşmənləri görür.

Azərbaycana qarşı fəaliyyət göstərən müxtəlif ölkələrdə gizlənən şəxslər bu işi görür. Onları xaricdə demokratiya adı ilə müdafiə edənlər də bu işin içindədir. Onlar öz vətənlərinə daş atırlar. Hansı ki, onların qohumları, əzizləri bu ölkədə yaşayır. Bu isə ən yüngül şəkildə ifadə etsək satqınlıqdır. Öz dövlətinə, ailəsinə, vətəndaşına qarşı kimlərdənsə pul alıb, ölkəsinə qara yaxmaq müxalifətlik deyil. Müxalifətin hakimiyyətə gəlmək üçün ölkəsinə qara yaxması, əxlaqdan kənar sözlər işlətməsi düzgün deyil. Senzuradan kənar ifadələrlə danışanlara görə, Azərbaycana qarşı təzyiqlərin edilməsi məntiqsizdir".

Telegramda izləyin