İsrail bu ölkənin XİN rəhbəri vasitəsi ilə İrana MESAJ GÖNDƏRİBMİŞ...

"İsrail Tehranın Suriyanın paytaxtı Dəməşqdəki İran konsulluğuna hücuma reaksiyasının qarşısını almaq üçün Misirin xarici işlər naziri vasitəsilə İrana mesaj göndərib".

Publika.az "Tasnim"ə istinadla xəbər verir ki, bunu İslam İnqilabı Keşikçiləri Korpusunun Aerokosmik Qüvvələrinin komandanı, briqada generalı Əmir Əli Hacızadə Qum şəhərində yüksək səviyyəli müəllimlər və xarici rəsmilərin iclasında deyib.

"İsrailin niyyəti yüksək rütbəli İran hərbçilərini öldürmək olsaydı, bunu İranın Suriyadakı konsulluğundan kənarda edə bilərdi. İsrailin məqsədi oktyabrın 7-də məğlubiyyətin əvəzini çıxmaq üçün strateji qələbəyə nail olmaq idi", - o qeyd edib.

Hacızadə bəyan edib ki, "Əsl vəd" əməliyyatı zamanı İranın hərbi potensialının 20%-i işə salınıb.

Telegramda izləyin