"Paşinyana sui-qəsd ola bilər, Rusiyadan Ermənistana kriminal aləm ilə bağı olan ermənilər gəlib"-Açıqlama

Ermənistanda son zamanlar etiraz aksiyaları artıb. "Müqəddəs Baqrat" öz pərəstişkarlarını toplayaraq bəyanat verib. Qısa formada bildirib ki, dövlət strukturları öz üzərinə düşənləri etməlidirlər. Əks halda onların aqibəti yaxşı olmayacaq. Ermənistan mediasında "Paşinyan qarşı sui-qəsd həyata keçirilə bilərmi?" sualları dolaşır. Bəs bu baş verə bilərmi?

Məsələ ilə bağlı hərbi eksöert Səxavət Məmməd Sonxeber.az-a açıqlama verib.

O bildirib ki, Paşinyana qarşı da sui-qəsd halı ola bilər:

Ermənistandakı mitinqlər öz məcrasından çıxmağa başlayıb. Bu mitinqlər əvvəlcə Tavuşda 4 kəndin Azərbaycana verilməsinə ilə başlasada, indi hakimiyyət uğrunda mübarizəyə keçib. Bu məsələ artıq Azərbaycan və Ermənistan münasibətlərindən çıxıb. Faktiki olaraq Ermənistanda hakimiyyət uğrunda kəskin mübarizə gedir.

Bu mitinqlərin Paşinyana qarşı sui-qəsd və ya hərbi çevrilişin baş verməsi ilə nəticələnə bilərmi sualına gəldikdə isə, bu mümkün variantdır.Ermənistanda dəfələrlə silahlı qarşıdurmalar baş verib. Ona görə də Paşinyana qarşı da sui-qəsd halı ola bilər. Bu hall həmişə göz önündə saxlanılmalıdır. Düzdür Ermənistan xarici işlər naziri və bir çox qurum Paşinyanın tərəfindədir. Amma ən azından Ermənistanda Paşinyana tabe olmayan qurumlar və qüvvələr var. Bundan əlavə Rusiyadan ölkəyə çox sayda ermənilər gəlib. Onların isə kriminalla bağlı olduqları ilə əlaqədar ciddi ittihamlar var. Sui-qəsdin olacağı demirəm, amma bu mübarizə bir qədər də davam etsə, böyük ehtimal ki, sui-qəsdə cəhd ehtimalına şahid ola bilərik".

Telegramda izləyin