Cem Karacanın oğlu və həyat yoldaşı arasında gərginlik yaşandı

Cem Karacanın həyat yoldaşı İlkim Karacanın etirazı ilə yayımlanmasına qadağa qoyulan "Cem Karacanın Gözyaşları" filmi oğlu Emrah Karacanın icazəsi ilə yenidən yayımlana bilər.

Sonxeber.az türk mediasına istinadən bildirir ki, Fikri Harika və Aytaç Medyanın prodüseri olduğu "Cem Karacanın Gözyaşları" filmi İlkim Karacanın etirazı ilə kinoteatrlardan yığışdırılıb.

Mərhum həyat yoldaşı Cem Karacanın həyatından bəhs edən filmdə istifadə edilən əsərlərə icazə verilmədiyini iddia edən İlkim Karaca hətta qaldırdığı iddiaya 3,5 milyon lirə zəmanət pulu da yatırıb.

Lakin filmin yayımlanmasının qarşısını almaq üçün milyonlarla lirə sərmayə qoyan İlkim Karacaya pis xəbər gəlib.

Filmin dayandırılması qərarına etiraz edən prodüser şirkətləri Fikri Harika Production və Aytaç Medya Cem Karacanın digər varisi - oğlu Emrah Karacanın əsərlərindən istifadəyə icazə verdiyini bildiriblər.

Qeyd edək ki, 2006-cı ildə Türkiyənin ən dəyərli rok sənətçilərindən olan Cem Karacanın ölümündən sonra oğlu Emrah Karacanın anası Ferida Balkanla sonuncu həyat yoldaşı İlkim Karaca arasında gərginlik yaranmışdı.

İlkim Karaca mərhum rok sənətçisinin sonsuz olduğunu iddia edərək Emrah Karacanın Cem Karacanın oğlu olmadığını iddia etmişdi.

Cem Karacanın məzarı açıldıqdan və DNT nümunələri götürüldükdən sonra Emrah Karacanın Cem Karacanın oğlu olduğu müəyyənləşdikdən sonra Ferida Balkan və Emrah Karaca İlkim Karacaya qarşı açdıqları təhqir işində qalib gəlmişdilər.

Telegramda izləyin