CO29 Azərbaycana hansı töhvələri verəcək? - AÇIQLAMA

Azərbaycanda ilk dəfə baş tutacaq COP29 çərçivəsində dünyanın təxminən 190-dan çox ölkəsini təmsil edən 80–100 min nəfərə qədər nümayəndə heyətinin qəbul edilməsi gözlənilir. 11–24 noyabr tarixlərində baş tutacaq tədbirə az qalıb. Bəs, COP29 Azərbaycana hansı töhfələri verəcək?

Mövzu ilə bağlı Sonxeber.az-a danışan deputat Ceyhun Məmmədov bildirdi ki, Azərbaycan COP29-la dünyada baş verən iqlim dəyişiklikləri ilə bağlı proseslərə töhvələrini verəcək:

"Öncəliklə qeyd edək ki, COP29-un Azərbaycanda keçirilməsi ölkəmizə olan böyük etimadın göstəricisidir. Dünyanın əksər ölkələri bu tədbirin Azərbaycanda keçirilməsi üçün səs verdilər. Bu da Azərbaycanın əldə etdiyi nüfuzunun və uğurun göstəricisidir. Sözügedən tədbirin keçirilməsi ilə Azərbaycanın dünyada nüfuzu daha da artacaq və tanınacaq. Həmin dövrdə bütün dünya mətbuatının mediyası Azərbaycandan bəhs edəcək. Eyni zamanda bu yeni əməkdaşlıqların qurulması, xarici dövlətlərlə əlaqələrin gücləndirilməsi baxımından da önəmlidir. Bu bir daha onu göstərəcək ki, Azərbaycan dünyada baş verən iqlim dəyişikliyi ilə bağlı proseseslərə öz töhfəsini vermək istəyir. Azərbaycan ölkəsi və prezidenti iqlim dəyişiklikləri ilə bağlı məsələlərə biganə deyil. Bu bir prioritet məsələdir ki, bizi də düşündürür və narahat edir. Ölkəmiz bu prosesə töhvə vermək üçün davamlı olaraq səy göstərir. Burada söhbət çoxlu sayda ölkə rəhbərinin, ayrı-ayrı şəxslərin ölkəmizə səfər etməsindən, tanış olmasından, Azərbaycan reallıqları ilə birbaşa təmasda olmasından gedir. Bu isə təbii ki, bizim ümumi amala, məqsədimizə və qarşımıza qoyduğumuz hədəflərə öz töhvəsini birmənalı olaraq verir".

Vüsalə İbrahimli

Telegramda izləyin