"Bu qətnamələr Azərbaycanın nəzərində effektiv olmayan kağız parçalarıdır" – AÇIQLAMA

Avropa Parlamenti Azərbaycan əleyhinə qətnamə qəbul edib. Bu qətnamə məlum dairələrin Azərbaycana qarşı COP29 ərəfəsində intensivləşən qarayaxma kampaniyasına öz "töhfəsini" vermiş olur.

Bəs görəsən Azərbaycan buna necə reaksiya verəcək?

Mövzu ilə bağlı Sonxeber.az – a açıqlama verən politoloq Turan Rzayev bildirib ki, bu qətnamələr Azərbaycanın nəzərində effektiv olmayan kağız parçalarıdır:

"Avropa parlamenti ilk dəfə deyil ki, Azərbaycana qarşı qətnamə qəbul edir. Amma bu qətnamələr sadəcə nəzəri mahiyyət daşıyır. Yəni bu qətnamələr və onların daxilində qeyd olunan məsələlərə görə Azərbaycana qarşı sanksiya tətbiq etmək, orda qeyd olunan tələbləri istəmək müzakirə mövzusu deyil. Buna görə də belə qətnamələr bizim nəzərmizdə sadəcə effektiv olmayan kağız parçalarıdır. Maraqlısı budur ki, Avropa Parlamenti nədənsə 30 illik işğal dövründə Ermənistana qarşı belə qətnamələr qəbul etməyib. Etsə də icrasını tələb etməyib. Bu baxımdan da indiki məqamda bizə qarşı atılan bu addım qərəzli, ikiüzlü və tərəfli bir yanaşmanın məhsuludur. Aydın məsələdir ki, Avropa Parlamentində bu qərarın qəbul edilməsində Erməni lobbisi və kilsənin rolu olduqca böyükdür. Ermənistan siyasətinin qurbanı olmuş bu ipli kuklalar faktiki olaraq Azərbaycana qarşı qərzəli mövqe sərgiləyir. Yəni mailiyyə aldıqları qüvvələrin tapşırıqlarını canla başla yerinə yetirirlər. Əslində bu qərarda iştirak edən və adı çəkilən şəxslər faktiki olaraq Avropa parlamentinin deputatları deyil, bir başa Ermənistana xidmət edən forpostlardır. Bu çox acınacaqlı və bir o qədər də gülünc hadisədir ki, adlı-sanlı Avropa ölkələrini təmsil edən şəxslər Ermənistanın tapşırığı ilə, onların istəyi əsasında bizə qarşı qətnamələr qəbul edirlər.

Dediyim kimi əgər vaxtında bu qətnamələr Ermənistana qarşı da qəbul edilsə və icrası tələb edilsəydi bizim üzərimizdə heç olmasa bir mahiyyəti olardı. Amma Ermənistana qarşı belə qətnamələr qəbul edilməyib. Bəzi qətnamələr qəbul edilib, amma onların da heç bir effekti olmayıb. Buna görə də bu qətnamələrin bizim üzərimizdə heç bir əhəmiyyəti yoxdur. Azərbaycan parlamenti də bu məsələ ilə bağlı gündəliyə bir məsələ çıxarmalı və reaksiya bildirməlidir. Ümumilikdə isə reaksiya bildirməsək də, dəyişən bir şey olmayacaq. Çünki bu ciddi bir məsələ deyil".

Çiçək Sadatova

Telegramda izləyin