"Fransa, mədəni assimilyasiya və yerli xalqların mədəni irsinin qəsdən məhv edilməsi siyasəti həyata keçirir" - DEPUTAT

"Fransa və bir sıra qərb dövlətləri COP29-un ölkəmizdə keçirilməsini ilk gündən propoganda edərək, açıq-aşkar təxribatlar yaratmağa çalışıb, dezinformasiya yayıblar. Hətta Makron hökuməti COP29-da iştirak etmək istəyən Fransa vətəndaşlarını belə bu imkandan məhrum etmiş, ölkəmiz haqda böhtan dolu fikirləri mediada tirajlamışdır.
Fransa müstəmləkə halında saxladığı dənizaşırı ərazilərindən, kiçik ada dövlətlərindən olan insanların ərazisini sınaq meydanına çevirmişdir".

Bunu Sonxeber.az-a danışan deputat Pərvanə Vəliyeva bildirib.

Deputat qeyd edib ki, Avropada yerləşən Fransa, dünyanın 4 qitəsində müxtəlif bölgələri işğal edərək koloniya düzəldib və özünə təxminən 11 milyon kvadrat kilometr ərazini əhatə edən dünyanın ən geniş Eksklüziv İqtisadi Zona'sını yaradıb:

"Fransa, bu ərazilərdə dəniz resurslarını, o cümlədən balıq, neft, qaz və faydalı qazıntıları istismar edir, eyni zamanda insan əməyindən də yararlanır. Şimali Afrikadan Cənub-Şərqi Asiyaya, Yaxın Şərqdən Cənubi Sakit Okean hövzəsinə qədər yaşayan milyonlarla insan, tarixən Fransanın amansızlıqla həyata keçirdiyi müstəmləkəçilik siyasəti yaşayıb. Bura daxil olan repressiyalara, qətlə yetirilmələrə də şahidlik edilib. Xüsusilə, Əlcəzairdə fransız hökuməti tərəfindən xüsusi qəddarlıqla qətlə yetirilmiş 1.5 milyon günahsız insanın qalıqlarının Paris muzeyində qəhrəmanlıq nümunəsi şəklində nümayiş etdirilməsi, fransız qəddarlığının açıq, tarixi nümunəsidir"

Deputat vurğulayıb ki, Fransa, mədəni assimilyasiya və yerli xalqların mədəni irsinin qəsdən məhv edilməsi, yəni "kultursid" siyasəti həyata keçirir"

"Bu siyasət, yerli mədəniyyətlərin və adət-ənənələrin məqsədli şəkildə məhv edilməsi üzərinə qurulub. Fransanın neokolonializm siyasəti ilə fransız mədəni normalarını və dəyərlərini üstün tutmasının, etnik azlıqların unikal mədəni kimliklərinin marjinallaşmasına və aşınmasına səbəb olur. Bu assimilyasiya səyləri yerli xalqların gənc nəsillərinin öz mədəni irsləri haqqında məhdud biliklərlə yetişdirilməsi məqsədi güdür. Məhz COP29 zamanı da yerli Afrika xalqları, eləcə də, Fransanın dənizaşırı ərazilərinin vətəndaş cəmiyyəti fəalları COP29-a gələrək öz haqq səslərini və mesajlarını, hüquqları taplanan insanların səsini dünya ictimaiyyətinə çatdırmağa çalışdılar".

Telegramda izləyin