Boşanma prosesində olduğu ərini narahat edən qadına uzaqlaşdırma qərarı çıxarıldı

Ankarada yaşayan Cihan K. (44) ona qarşı psixoloji və iqtisadi zorakılıq tətbiq edən həyat yoldaşı B.K-dan (39) boşanmaq üçün məhkəməyə müraciət edib.

Sonxeber.az türk mediasına istinadən xəbər verir ki, boşanma prosesi zamanı həyat yoldaşı Cihana telefonla zəng edib, söyüş söyərək psixoloji zorakılığını davam etdirdiyi üçün məhkəmə ona müdafiə və ehtiyat tədbiri qərarı çıxarıb.

Qərarda B.K-dan 6 ay müddətində Cihan K.-ya yaxınlaşmaması, onu hər hansı ünsiyyət vasitəsi ilə narahat etməməsi, zorakılıqla təhdid etməməsi, təhqir etməməsi, aşağılamaması istənilib. Bildirilib ki, bu qaydaya riaət etmədiyi təqdirdə B.K-nın barəsində 30 sutkayadək müddətdə azadlıqdan məhrumetmə cəzası nəzərdə tutulub.

Faktla bağlı araşdırmalar davam edir.

Telegramda izləyin