Yaralı dostlarının yanından bir an belə olsun ayrılmadılar - VİDEO

Antalyada avtomobil yolda aşaraq qəza edib.

Sonxeber.az türk mediasına istinadən xəbər verir ki, qəza səhər saatlarında İsmət Gökşen küçəsində baş verib.

Belə ki, Akcan H.K. 16 ARK 89 dövlət nömrə nişanlı avtomobil sürücünün idarəetməni itirməsi nəticəsində əvvəlcə yol nişanına dəyib, sonra aşıb.

Qəza zamanı avtomobildə 5 nəfər olub. Ətrafdakıların məlumatı üzərinə hadisə yerinə polis və təcili tibbi yardım sövq edilib.

Qəzada Yusuf E.G, Selman B.G. və Kaan G. yaralanıb, sürücü və adı məlum olmayan digər gənc isə yüngül xəsarətlərlə qəzadan xilas olub.

İki gənc yaralı dostlarının yanından bir an belə ayrılmayıblar. Həkim qruplarından məlumat almağa çalışan gənclərdən biri "Qardaş, bu nə qan itkisidir? Xahiş edirəm mənə bir şey deyin, ciddi bir şey varmı? Qardaşlarıma heç nə olmasın. Onlar öləcəksə, mən niyə yaşayıram?", - deyə fəryad edib.

Həkimlərin ilk müdaxiləsindən sonra yaralılar təcili tibbi yardımla xəstəxanaya aparılıb.

Qəza ilə bağlı araşdırmalara başlanılıb.

Telegramda izləyin