Yarasa dərs zamanı pəncərədən içəri girib müəllimi dişlədi

ABŞ-da dərs zamanı sinifə girən yarasa müəllimi dişləyib.

Sonxeber.az xarici mediaya istinadən xəbər verir ki, ABŞ-ın Kaliforniya ştatında müəllim işləyən 60 yaşlı Lea Senenq dərs zamanı pəncərədən içəri girən yarasını çıxarmaq istəyib. Lakin bu zaman yarasa onu dişləyib.

Senenq hadisədən bir neçə həftə sonra vəfat edib. Onun ailəsi və dostları tərəfindən verilən açıqlamada Senenqdə quduzluq əlamətlərinin olmadığı bildirilib.

Səhiyyə rəsmiləri müəllimin hadisədən sonra tibbi yardım alıb-almaması və həmin dövrdəki sağlamlıq durumu ilə bağlı məlumatları araşdırdıqlarını açıqlayıb.

Səlahiyyətlilər həmçinin xatırladıblar ki, peyvənd quduzluq riski olan heyvanlarla təmasdan sonra tez bir zamanda edilməlidir.

Telegramda izləyin