Ürək cərrahı maşınında ölü tapıldı

Sakaryada Ürək Damar Cərrahı Op. Dr. Okan Dericioğlu yolda park edilmiş avtomobilində ölü tapılıb.

Sonxeber.az türk mediasına istinadən xəbər verir ki, Sakaryanın Adapazarı rayonunda xəstəxanaya gedən yolda avtomobildə hərəkətsiz vəziyyətdə dayanan şəxsi görənlər vəziyyəti 112 Təcili Zəng Mərkəzinə bildiriblər.

Məlumat verildikdən sonra hadisə yerinə polis və təcili tibbi yardım göndərilib. Həkim qrupları ilk yoxlamalar zamanı avtomobildə olan şəxsin öldüyünü müəyyən ediblər.

Polis araşdırma apararaq həmin şəxsin Yenikent Dövlət Xəstəxanasında Ürək-Damar Cərrahı işləyən Dr. Okan Dericioğlu olduğunu müəyyən edib.

Müayinə zamanı həkimin bədənində və maşınında qan izi aşkar edilməyib. Həkimin dəqiq ölüm səbəbi tibbi ekspertizanın rəyindən sonra məlum olacaq.

Faktla bağlı başladılan istintaq davam edir.

Telegramda izləyin