"Bu silahlanma Ermənistana böyük fəlakət gətirəcək" - FƏZAİL AĞAMALI

"Artıq 2020-ci ildən başlayaraq Makron Fransası Ermənistanın yanındadır. Hətta, biz 2020-ci ilin sentyabırında başlamış olduğumuz Vətən mübaribəsində Fransa böyük canfəşanlıq göstərərək Azərbaycanın öz torpaqlarını qaytarmaq uğurunda aparmış olduğu mübarizəyə bütün vasitələrdən istifadə edərək mane olmağa çalışırdı. Hətta, 2 dəfə Birləşmiş Millətlər Təşkilatının təhlükəsizlik şurasının üzvü kimi Azərbaycana qarşı sərt sanksiyaların tətbiq olunması ilə bağlı layihə də təqdim etmişdi".

Bunu Sonxeber.az-a sabiq deputat Fəzail Ağamalı danışıb.

O, açıqlamasında qeyd edib ki, Fransa və Ermənistan arasında imzalanan müqavilə Fransanın məkrli siyasətinin təzahür formasıdır:

"Lakin, Böyük Britaniyanın vetosu ilə bu təhlükəsizlik şurasına keçmədi. Bundan sonra Fransa özünün bütün imkanları ilə Ermənistanı müdəfiə etdi və bu günə qədər də müdafiə etməkdə davam edir. Hətta, Fransa çoxsaylı tırları Azərbaycanın Laçın istiqamətindəki sərhədboyu yoluna , Qarabağa ermənilərə yardım etmək adı ilə göndərməyə çalışdı, biz onları peşman etdik. Xeyli müddət qaldıqdan sonra onlar geri qayıtamlı oldular. Fransa Ermənistanı sürətlə silahlandırır. Bunula kifayətlənmir, özünə yaxın olan digər dövlətləri də Ermənistanı silahlandırmağa təşviq edir. Bu baxımdan da artıq konkret faktlar var. Hindistanın, Yunanıstanın da Fransa ilə bərabər Ermənistanı silahlandırması artıq hər kəsə bəllidir. Bir neçə gün bundan öncə Fransa ilə Ermənistan arasında 2025-ci ilə hərbi müqavilənin imzalanması da Fransanın aparmış olduğu, oluqca məkrli, təhlükəli siyasətinin növbəti bir təzahürüdür. Bütün bunlar Azərbaycan üçün təhdidlər yaradır və bunlara Azərbaycan dövləti Cənab Prezidentin də söylədiyi kimi lazım olan vəziyyətdə cavab veriləcək. Azərbaycan üçün istənilən təhlükə yerindəcə məhv ediləcək. Buna qətiyyən nə Fransanın, nə də Ermənistanın şüpəsi olmamalıdır. Silahlanır, sürətlə silahlanır. Baxaq görək bu silahlanma Ermənistana nə verəcək. Tam əminliklə deyə bilərəm ki, onlara bu silahlanma böyük fəlakət gətirəcək və Ermənistan dövlətini sadəcə olaraq yer üzündən siləcəkdir".

Telegramda izləyin