"Azərbaycan xalqı böyük şəxsiyyətin ölkəmiz qarşısında olan xidmətlərini heç vaxt unutmayacaq" - Vüqar İsgəndərov

"Bir çox görkəmli dövlət xadimlər öz xalqlarının, dövlətlərinin talelərində önəmli və əvəzsiz rollar oynayıblar. Müsir Türkiyənin tarixində Atatürk, Fransa tarixində Şarl de Qoll, ABŞ-da Corc Vaşinqton vəs. liderləri saymaq olar. Azərbaycan xalqının inkişafında, tərəqqisində bu dövlətin yaranmasında xalqın böyük oğlu, ümummilli lider Heydər Əliyevin rolu əvəzsizdir".

Bunu Sonxeber.az-a deputat Vüqar İsgəndərov danışıb.

O, açıqlamasında qeyd edib ki, sistemi quran, Azərbaycanın hazırkı böyük uğurlarının bünövrəsini qoyan və onun əbədi müəllifi Heydər Əliyev oludu:

"Azərbaycan sözü bir növ Heydər Əliyevi xatırladır. Heydər Əliyev soyadını və adını söylədikdə isə Azərbaycan xatırlanır. Bu insan təpədən dırnağa böyük dövlət adamı, dahi şəxsiyyət idi. Əsl lider keyfiyyətinə malik idi. Bütün işıqlı həyatı boyu, ömrünü xalqının təşəkkül tapmasına, inkişafına sərf etdi. Sovet ittifaqı dövründə də Azərbaycana rəhbərlik etdikdə 15 respublika içərisində gerilərdə qalmış bir respublikanı qısa zaman ərzində ən rentabilli respublikaya çevirdi. Heydər Əliyev böyük dövlət insanı kimi SSRİ-nin rəhbərliyində ən yüksək vəzifəni tutmuşdur və o dövrdə də azərbaycanlı olan hər bir şəxs onunla qürur duyurdu. O, ən çətin işlərin öhtəsindən də bacarıqlı bir insan kimi uğurla gəlirdi. Daha sonra isə müstəqilliyin bərpasından sonra az qala yer üzündən, xəritədən silinmək təhlükəsində olan bir ölkəyə rəhbərlik etmək və onu tarix üçün çox qısa zamana inkişaf etdirmək, formalaşdırmaq, dəyərlər yaratmaq, bu sistemi qurmaq yenə Heydər Əliyevin taleinə yazılmış bir məsələ idi. O, bunun öhtəsindən layiqincə gəldi və bu gün ölkə başçısı Cənab İlham Əliyevin rəhbərliyi altında sürətlə inkişaf edib və dünyanın aparıcı ölkələrinin sırasına daxil olub. Azərbaycanın hazırkı böyük uğurlarının bünövrəsini qoyan və onun əbədi müəllifi Heydər Əliyev oludu. Azərbaycan xalqı böyük insanın ölkəmiz qarşısında olan xidmətlərini heç vaxt unutmayacaq. Düşünürük ki, hələ bu böyük insanın irsi dərindən öyrəniləcək. Böyüməkdə olan gənc nəsil o ideaları, Azərbaycanlı kimi həyatını bu xalqa, dövlətə bağışlayan bir insanın keçdiyi həyat yolun hər zaman öyrəncək, təbliğ edəcək və onunla özünü Azərbaycanlı sayan hər bir şəxs qürur duyacaq".

Vüsalə İbrahimli

Telegramda izləyin