Ərinin telefonunda gördüyü mesaj ölümünə səbəb oldu

Adanada 23 yaşlı qadın mübahisə zamanı ərinə məxsus silahla vurulub.

Sonxeber.az türk mediasına istinadən xəbər verir ki, hadisə Adananın Sarıçam mahalında baş verib. Belə ki, Günay Sena S. 2 il əvvəl evləndiyi İbrahim S.-nin mobil telefonunda bir qadının mesajını görüb və onların aralarında mübahisə yaranıb.

Mübahisə zamanı İbrahim S.-yə məxsus silahla sinəsindən vurulan Günay Sena S. ağır yaralanıb.

İbrahim S. həyat yoldaşına ilkin tibbi yardım göstərib. Daha sonra evə polis və təcili tibbi yardım çağırıb. Evə gələn həkimlər qadını xəstəxanaya çatdırıb. Amma bütün müdaxilələrə baxmayaraq qadın hadisə yerində dünyasının dəyişib.

Polis tərəfindən saxlanılan İbrahim S. ifadəsində "Həyat yoldaşım telefonumda bir qadının mənə mesaj yazdığını görüb. Buna görə də əsəbiləşərək silahımı götürüb özünü vurdu. İntihar etdi, mən öldürmədim", - deyə bildirib.

Günay Sena S.-nin ailəsi İbrahim S.-nin qızlarını öldürdüyünü bildirərək cinayət işi açıb. Ailə qızlarının əvvəllər də bir neçə dəfə əri tərəfindən döyüldüyünü bildirib.

İbrahim S. ifadəsindən sonra sövq edildiyi ədliyyədə həbs edilib.

İstintaqın sonunda hadisənin intihar, yoxsa qətl olduğu məlum olacaq.

Telegramda izləyin