"Soyuqdan donuram, kömək edin" deyən kişi küçədə ölü tapıldı

İzmirin Buca rayonunda "Xahiş edirəm mənə kömək edin. Soyuqdan öləcəm. Əliləm, gedəcək yerim yoxdur" deyən kişi tək yaşadığı küçədə ölü tapılıb.

Sonxeber.az türk mediasına istinadən xəbər verir ki, hadisə Buca rayonu, Güvən məhəlləsində baş verib.

Belə ki, ötən gün küçədə tək yaşayan şəxs vətəndaşlar tərəfindən mobil telefon kamerası ilə lentə alınıb. Görüntülərdə kömək istəyən və soyuqdan öləcəyini deyən 58 yaşlı Adnan Kale bir gün sonra səhər saatlarında hərəkətsiz vəziyyətdə tapılıb.

Məlumat üzərinə hadisə yerinə təcili tibbi yardım sövq edilib. Əraziyə gələn həkimlər Kalenin öldüyünü müəyyən edib.

Həkimlər tərəfindən aparılan yoxlamalar zamanı Adnan Kalenin meyitində heç bir hücum və ya zorakılıq əlamətinin olmadığı müəyyən edilib. Onun meyiti ilkin yoxlamalardan sonra tibbi ekspertizaya aparılıb.

Mərhumun tibbi ekspertizanın rəyindən sonra kimsəsizlər qəbiristanlığında dəfn ediləcəyi bildirilib.

Telegramda izləyin