Qohum evliliyinin televiziyada yayımlanması sosial mediada tənqid olundu

İngiltərənin televiziya kanallarından birində 'Böyük qaraçı toyu' adlı verilişdə qohum evliliyi yayımlanıb.

Sonxeber.az xarici mediaya istinadən xəbər verir ki, verilişdə əmisi oğlu ilə evlənən 18 yaşlı qızın toyu nümayiş olunub.

Toy mərasimi bütün qəsəbənin iştirakı ilə baş tutub.Gəlinin geyindiyi libas 20 min kristalla bəzədilib. Bu gəlinliyin dizayneri məşhur Thelmayadır.

Sözügedən görüntülər sürətlə yayılıb və sosial mediada müzakirələrə səbəb olub.

Sosial media istifadəçiləri görüntülərə: "Bu evliliklər qanuni deyil. Hansı adla televiziyada yayımlanır?" kimi şərhlər yazıb.

Mühafizəkarlar Partiyasından olan deputat Riçard Holden "İnsanlar qohum evliliyinin qeyri-qanuni olduğunu düşünür. Lakin belə bir qadağa hələlik gündəmdə deyil" , - deyə açıqlama verib.

Telegramda izləyin