Hamilə arvadını öldürən kişi məhkəmədən görün nə tələb etdi

Adanada 7 aylıq hamilə arvadını öldürən Emrah Dəmir ağırlaşdırılmış ömürlük həbs cəzasına məhkum edilib.

Sonxeber.az türk mediasına istinadən xəbər verir ki, müttəhim son müdafiəsində həyat yoldaşının ailəsindən, vəkillərindən və məhkəmə heyyətindən üzr istəyib və "məni psixi sağlamlıq xəstəxanasına aparın" deyib.

Ailə vəkillərindən Şeyma Bulut, müttəhimin son müdafiəsinin həbsdən qurtulmaq məqsədi daşıdığını bildirib.

"Ailə vəkili olaraq müttəhimin üzrünün qəbul edilmədiyini bildirmək istəyirəm. O, narkotik istifadəçisidir. Biz onun maksimum dərəcədə cəzalandırılmasını tələb edirik" , - deyə vəkil çıxışında bildirib.

Məhkəmə Emrahın istəyini qəbul etməyib və onu həbsxanaya göndərib.

Qeyd edək ki, Adananın Seyhan rayonunda baş verən hadisədə Emrah Dəmir mübahisə zəminində 7 aylıq hamilə həyat yoldaşı Hatice Dəmiri boğaraq öldürmüşdü.

Telegramda izləyin