Göz əməliyyatı zamanı həkim səhlənkarlığı nəticəsində 10 yaşlı uşaq öldü

İzmirin Torbalı rayonunda göz əməliyyatı zamanı xəstəyə oksigen əvəzinə azot verilməsi nəticəsində 10 yaşlı Ege Avcı həyatını itirib.

Sonxeber.az türk mediasına istinadən xəbər verir ki, İpək Yeşilçamda yaşayan 10 yaşlı Egenin ailəsi oğullarının çəpgözlük şikayəti ilə xəstəxanaya müraciət edib. Uşaq əməliyyat olunub. Əməliyyat zamanı 19 dəqiqə ərzində xəstəyə oksigen yerinə azot verilib. Bu səbəbdən nəfəsi və ürəyi dayanan Ege başqa xəstəxanaya göndərilib. 26 gün reanimasiyada sağ qalmaq üçün mübarizə aparan Egeyə serebral iflic diaqnozu qoyulub. Uşaq bir müddət sonra həyatını itirib.

Ailənin cinayət işi qaldırmasından sonra Torbalı Respublika Prokurorluğu tərəfindən araşdırma başlanıb.

Faktla bağlı istintaq davam edir.

Telegramda izləyin