Timsah suyun kənarında ayaqlarını yuyan qadına hücum etdi - VİDEO

İndoneziyanın Şimali Sumatra bölgəsində insident baş verib.

Sonxeber.az xarici mediaya istinadən xəbər verir ki, dəniz kənarında ayaqlarını yuyan 4 uşaq anası Nurhvati Zihura 4 metr uzunluğunda timsahın hücumuna məruz qalıb.

Kənd sakinləri qadının qışqırtısını eşitsələr də, müdaxilə edə bilməyiblər. Qurbanını çaşdırmaq üçün timsah onu "ölüm rəqsi" kimi tanınan hərəkətlərlə çevirib suyun altına sürükləyib. Təxminən bir saat sonra timsah Nurhavatinin cansız bədənini çənələrində daşıyaraq yenidən peyda olub.

Hadisə şahidi Aqustinus "Dəhşətli mənzərə idi. Biz qışqırdıq, amma timsah onu buraxmadı. Sonra qayıqlarla çıxıb timsahın üzərinə toyuq atdıq ki, cəsədi buraxsın"- dedi.

Nurhavatinin qohumu Fendi bildirib ki, qadın özünü yaxşı hiss etmədiyi üçün ayaqlarını dəniz suyunda yumaq istəyib.

Kəndlilər nəhayət cəsədi çıxara bildilər və axşam saatlarında dəfn mərasimi keçirildi.

Polis və əsgərlər timsahı taparaq öldürüblər.

Vüsalə İbrahimli

Telegramda izləyin