İtin ayaqlarını bağlayıb zibil qutusuna atdılar

Dənizlidə zibil konteynerində ayaqları bağlanmış it tapılıb.

Sonxeber.az türk mediasına istinadən xəbər verir ki, hadisə Çivril məhəlləsində baş verib. Belə ki, zibil atmağa gedən Çetin Orxan zibil qutusunda ayaqları bağlanmış bir it tapıb. O dərhal iti evə aparıb ona ilkin yardımları edib. Daha sonra isə ona lazımlı sağlamlıq müayinələrini etdirib.

Orxan bunu edənin kimliyini tapmaq üçün məhəllədəki təhlükəsizlik kameralarını izləyib. O şübhəli qadını tanıyıb və prokurorluğa gedərək cinayət işi qaldırıb.

Çetin Orxan və həyat yoldaşı iti sahibləniblər. Faktla bağlı istintaq davam edir

Telegramda izləyin