42 yaşlı kişi dostları tərəfindən evində öldürülüb

Konyanın Beyşehir rayonunda yaşayan 42 yaşlı Ahmet Değirmenci evin hamamında ölü tapılıb.

Sonxeber.az türk mediasına istinadən xəbər verir ki, hadisə ötən gün Müftü Məhəlləsində, 4 mərtəbəli yaşayış binasının ikinci mərtəbəsindəki mənzildə baş verib.

Değirmencinin dostları "onu evdə qanlar içində tapdıq" deyə polisə xəbər veriblər.

Məlumat verildikdən sonra evə daxil olan qruplar Değirmencini hamamda hərəkətsiz vəziyyətdə tapıblar. Dostları onun huşunu itirərək yıxılıb öldüyündən şübhələndiklərini bildiriblər.

Lakin tibbi ekspertizanın araşdırması nəticəsində Değirmencinin başından vurularaq öldürüldüyü təsbit edilib.

Polis ilk şübhəlilər qismində onun dostlarını saxlayıb. Faktla bağlı istintaq davam edir.

Telegramda izləyin