Qadın qiyafəsində oğurluq edərkən tutuldu - VİDEO

Diyarbəkirdəki Dəclə Universiteti Xəstəxanasının kişi yataqxanası və qadın qonaqxanasında qadın qiyafəsində oğurluq edən "xameleon" ləqəbli şübhəli yaxalanıb.

Sonxeber.az türk mediyasına istinadən xəbər verir ki, İl Təhlükəsizlik Müdirliyi Asayiş Şöbə Müdirliyi tərəfindən aparılan işlər nəticəsində universitet xəstəxanasının qonaqxanasında oğurluq edən şübhəlinin tutulması üçün əməliyyat başladılıb. Polis kamera görüntülərini araşdırıb və şübhəlinin arxasınca gedib.

Şübhəli şəxs əvvəlcə kişilərin yataqxanasına daxil olaraq mobil telefon oğurlayıb. Daha sonra qadın tualetində paltarını dəyişib və qadın kimi geyinib. Əynində şərf və ətək olan şübhəli qadınların qonaqxanasına gedərək daha iki mobil telefon oğurlayıb.

Polis bir həftə qadınların qonaqxanasında şübhəlinin gəlməsini gözlədi. Bir həftə gözlədikdən sonra yenidən qadınların qonaqxanasına gələn şübhəli polis tərəfindən yaxalanıb.

Saxlanılan şübhəli S.Ç. məsciddən qadın paltarlarını götürdüyünü və qadın tualetində paltarını dəyişdiyini etiraf edib. Polis bölməsindəki əməliyyatlardan sonra ədliyyəyə sövq edilən şübhəli tutularaq həbsxanaya göndərilib.

Telegramda izləyin