Hamilə olduğu üçün işdən çıxarılan qadın təzminat aldı

Britaniyada hamilə olduğu üçün işdən çıxarılan qadın işəgötürənini məhkəməyə verərək qalib gəlib.

Ölkə.az xarici KİV-ə istinadən xəbər verir ki, 2022-ci ilin oktyabrında investisiya məsləhətçisi olan Paula Miluska, həmin ilin mart ayında işə qəbul olunmuşdu. O, hamilə olduğunu öyrəndikdən sonra növbəti aydan rəhbəri Ammar Kabirdən evdən işləmək icazəsi istəyib.

Bundan bir neçə gün sonra Kabir ona mesaj göndərərək işdən çıxarıldığını bildirib. Səbəb kimi isə şirkətin ofisdə işləyə biləcək bir əməkdaşa ehtiyac duyduğunu göstərib.

Bundan sonra qadın məhkəməyə müraciət edib. Hakim qərara alıb ki, qadının haqsız yerə işdən çıxarılmasının səbəbi onun hamilə olmasıdır və ona 94 min funt-sterlinq məbləğində təzminat təyin edib.

Telegramda izləyin