Qeyri-adi boşanma: Ər nə etdi ki, arvad bağışlaya bilmədi?

30 illik evlilik bir kişinin qəribə hobbisi ucbatından dağılıb.

Üç onillik davam edən ailə həyatı marka kolleksiyasına görə boşanma ilə başa çatıb - ər ailənin qənaət etdiyi pulu bir nadir markaya xərclədikdə, arvad daha dözə bilməyib.

Lent.az bildirir ki, İsrail mediası kolleksiyaya həddindən artıq həvəsdən qaynaqlanan qeyri-adi boşanma hadisəsi haqqında məlumat yayıb. Şifra və Johanan (adlar dəyişdirilib) 30 il birlikdə yaşayıblar, ancaq ailə ərinin hobbisinə görə ailələri dağılıb.

Hər şey zərərsiz bir hobbi ilə başlayıb, lakin zaman keçdikcə mənzil bir filatelist anbarına çevrilib.

"Mənzilimizin hər yerində markalar var idi. Qonaq otağı marka albomları ilə dolu idi, mətbəxdə rəflərə qoyulmuşdular, hətta nə vaxtsa bizim yataq otağımızda görünməyə başladılar. Yavaş-yavaş çarpayıların siyirtməsi filatelistin anbarına çevrildi", - Şifra vəkilə deyib.

Qadın bununla barışmağa çalışsa da, ən ağrılı məqam avtomobil almaq üçün nəzərdə tutulan ailənin əmanət hesabının yoxa çıxması olub. Sonradan məlum olub ki, Yohanan nadir qızıl naxışlı markanı almamaq üçün müqavimət göstərə bilməyib.

"Marka almaq üçün hesabdan bir neçə min şekel çıxarıldığını biləndə cavab almaq üçün onun yanına gəldim, o, sadəcə gülümsəyərək deyib: "Heç olmasa, markalar mənə qışqırmır və qalmaqal yaratmır".

Kişi əmin olub ki, onun aldığı marka zaman keçdikcə dəyərini itirəcək avtomobildən fərqli olaraq sərfəli investisiyadır.

"Üstəlik, o, mənə dedi ki, almaq istədiyimiz bahalı avtomobil tez bir zamanda dəyərini itirəcək, lakin onun qızıl markasıvyalnız zaman keçdikcə dəyər qazanacaq", - qadın qeyd edib.

Hər gün ev muzeyə daha çox bənzəyib. Rəflər, çekmeceler və hətta divarlar kolleksiya ilə dolu olub.

Şifranın ərini hobbisini azaltmağa inandırmaq üçün etdiyi hər cəhd müqavimətlə qarşılanıb. Üstəlik, Yohanan həyat yoldaşını "sevimli hobbisini inkişaf etdirməyə və ondan həzz almağa" mane olmaqda ittiham etməyə başlayıb.

Şifra daha belə şəraitdə yaşaya bilməyəcəyini anlayıb və hüquqi yardım istəyib. Boşanma nəticəsində cütlük əmlaklarını bölüşdürüb: bütün marka kolleksiyası Yohanana gedib və Şifra mənzilin satışından əldə edilən gəlirin böyük hissəsini alıb.

O, hekayəni yekunlaşdıraraq deyib: "Özümü muzeydə yaşadığım kimi hiss etməyə başladım".

Telegramda izləyin