25 yaşlı oğlan atasını silahla vuraraq öldürüb

İzmirdə bir şəxs öz atasını silahla vuraraq öldürüb.

Sonxeber.az türk mediasına istinadən xəbər verir ki, hadisə
İzmirin Kınık səmtində yerləşən çayxananın qarşısında baş verib. Belə ki, 3 ay əvvəl anasının ölümündən sonra psixoloji problemləri yaranan A.M. (25) ilə atası Metin Malgaz (47) arasında mübahisə olub.

Mübahisə böyüdükcə A.M yanında olan silahla atası Metin Malgaza atəş açıb. Malgaz qan içində yerə yıxılıb, oğlu isə qaçaraq yoxa çıxıb. Ətrafdakı vətəndaşların xəbəri üzərinə hadisə yerinə polis və təcili tibbi yardım qrupları sövq edilib. Ünvana gələn həkimlər tərəfindən aparılan müayinə zamanı Metin Malqazın öldüyü müəyyən edilib.

Hadisə yerində qaçmağa çalışan A.M qısa müddətdə polis tərəfindən saxlanılıb. Faktla bağlı başladılan istintaq davam edir.

Telegramda izləyin