Spirtli içki qəbul etdikdən sonra parkda yatan kişi donaraq öldü

İstanbulun Büyükçekmece səmtinin Memar Sinan məhəlləsindəki Atatürk parkında gecə saatlarında spirtli içki qəbul edən S.Ö. burada yuxuya gedib.

Sonxeber.az türk mediyasına istinadən xəbər verir ki, səhər saatlarında parka gələn vətəndaşlar hərəkətsiz vəziyyətdə uzanan şəxsi görüb və vəziyyəti 112 Təcili Zəng Mərkəzinə bildiriblər.

Xəbərdarlıq üzərinə hadisə yerinə sağlamlıq və polis qrupları sövq edilib. Polis əməkdaşları bölgədə təhlükəsizlik tədbirləri görərkən, sağlamlıq qrupları ilk yoxlamada həmin şəxsin həyatını itirdiyini təyin etdi.

Araşdırmalar zamanı məlum olub ki, S.Ö dünən parkda həddindən artıq spirtli içki qəbul etdiyi üçün vəziyyətinin pisləşdiyinin və bu səbəbdən müalicə üçün xəstəxanaya aparılıb.

Müalicəsi tamamlanmamış şəxsin xəstəxananı tərk etdiyi öyrənilib. Donaraq öldüyü bildirilən S. Ö.-nün cəsədi dəqiq ölüm səbəbinin müəyyən edilməsi üçün Ədliyyə Tibb Təşkilatının meyitxanasına aparılıb.

Telegramda izləyin