Keçmiş arvadı ilə sevgilisini güllələdi

Konyada bir şəxs boşandığı keçmiş həyat yoldaşını və onun birlikdə yaşadığı kişini güllələyib.

Sonxeber.az türk mediasına istinadən xəbər verir ki, hadisə Selçuklu rayonunda baş verib.

Belə ki, F.Ö adlı kişi keçmiş arvadı Ş.A-nın evinə gedib. Onlar arasında naməlum səbəbdən mübahisə yaranıb. Bu zaman Ş.A-nın birlikdə yaşadığı Ö.Ç evə gəlib. Mübahisə getdikcə davaya çevrilib. Bu zaman F.Ö silahı ilə onların ikisini də güllələyib.

Qonşuların məlumatı ilə hadisə yerinə gələn təcili tibbi yardım əməkdaşları yaralılara ilkin tibbi yardım göstərib, daha sonra onları xəstəxanaya aparıblar.

Şübhəli hadisə yerindən qaçıb. Xəstəxanadakı yaralılardan birinin həyati təhlükəsinin olduğu bildirilib

Polis qaçan şübhəlinin tutulması üçün araşdırma başladıb.

Telegramda izləyin