Atışma zamanı daun sindromlu gənc ürəyindən güllə yarası aldı

Tekirdağın Çerkezköy mahalı Kızılpınar Atatürk Məhəlləsində Bahar küçəsində yerləşən Özcanlar məscidinin qarşısında qan donduran hadisə baş verib.

Sonxeber.az türk mediyasına istinadən xəbər verir ki,İddiaya görə əvvəllər də aralarında düşmənçilik olan C.P. , S.Ö. və M.C.U məscidin önündə qarşılaşaraq mübahisə etməyə başlayıblar.

Mübahisənin böyüməsi nəticəsində M.C.U yanındakı silahla S.Ö-yə atəş açıb. Silahdan atılan güllələrdən biri həmin vaxt məscidin qarşısında oturan və hadisəyə aidiyyəti olmayan daun sindromlu 19 yaşlı M.N.A-nın ürəyinə dəyib.

Qanlar içində yerə yıxılan gənc xəbər üzərinə hadisə yerinə gələn sağlamlıq qrupları tərəfindən Çerkezköy Dövlət Xəstəxanasına aparılıb.

Vəziyyəti ağır olan gənc özəl xəstəxanaya köçürülsə də, həkimlərin bütün müdaxilələrinə baxmayaraq həyatını itirib.

Ərazidəki təhlükəsizlik kameralarını araşdıran polis əməkdaşları, Kızılpınarda otlaqda gizləndiyi iddia edilən qətl şübhəlisi M.C.U.-nu yaxalayaraq nəzarətə götürüb.

Telegramda izləyin