Uzunömürlüyün cavanlaşdırıcı prosedurlardan daha effektiv ÜÇ PRİNSİPİ

Kimya üzrə Nobel mükafatı laureatı Venkatraman Ramakrişnan uzunömürlülüyün üç əsas prinsipini açıqlayıb. Onun sözlərinə görə, balanslaşdırılmış qidalanma, müntəzəm fiziki aktivlik və keyfiyyətli yuxu bioloji aktiv əlavələr və cavanlaşdırıcı prosedurlardan daha effektiv şəkildə gəncliyi qoruyur.

Oxu.Az-ın verdiyi məlumata görə, bu barədə o, "HuffPost"a danışıb.

Ekspert müasir tədqiqatların bu amillərin ömür uzunluğuna təsirini təsdiqlədiyini bildirib.

"Tərəvəz, meyvə və faydalı yağları əhatə edən sağlam qidalanma hüceyrə səviyyəsində yaşlanma proseslərini yavaşladır, emal edilmiş qidaların qəbulu isə əksinə, bu prosesləri sürətləndirir. Fiziki aktivlik isə təkcə ürək-damar sistemini gücləndirmir, həm də xroniki xəstəliklərin riskini azaldır. Xüsusilə D vitamini və omega-3 qəbulu ilə birlikdə mülayim məşqlər daha effektivdir. Uzun və sağlam həyatın daha bir vacib elementi keyfiyyətli yuxudur. İstirahət çatışmazlığı koqnitiv funksiyaları pisləşdirir və immuniteti zəiflədir, yeddi-doqquz saat davam edən tam dəyərli yuxu isə orqanizmin bərpasına kömək edir", - deyə alim bildirib.

Ramakrişnan artıq uzun müddətdir ki, tədqiqatlarda təkcə ayrı-ayrı xəstəliklərin deyil, yaşlanma prosesinin özünün də öyrənildiyini deyir.

"Alimlər onun yavaşladılması strategiyalarını işləməyə davam edirlər, əsas tövsiyələr isə dəyişməz qalır: düzgün qidalanma, idman və yuxu", - deyə ekspert sözlərini yekunlaşdırıb.

Telegramda izləyin