"Əgər "Şərur" MTK-nın möhürü ilə bir ev iki adama satılıbsa, biz ona beş ev veririk" - MÜSAHİBƏ

"Şərur İnşaat" MTK-nın mətbuat xidmətinin rəhbəri Tünzalə İsmayılova Sonxeber.az -ın qonağı olub.

Son günlər müzakirə olunan məsələlərdən biri "Şərrur" MTK-nın bir evi beş nəfərə satmasıdır. Amma araşdırma zamanı biz öyrəndik ki, vətəndaşları aldadan "Şərrur MTK" deyil də başqa şirkətdir. Tünzalə xanım, istərdik ilk olaraq bu məsələyə aydınlıq gətirəsiniz

"​Bu, dövlət orqanları tərəfindən "Şərur" MTK-ya tapşırılıb. "Şərur" MTK-nın o şirkətlərin hüquqi varisi deyil və onların qarşısında heç bir öhdəliyi yoxdur. 15-ə yaxın tikinti şirkəti bir evi iki və daha artıq vətəndaşa sataraq onlara külli miqrdarda zərər vurublar. Dəymiş, zərəririn ödənilməsi yəni mənzil ilə təmin olunmasını isə "Şərur" MTK qarşılayır. Belə ki, Prokurorluq ərəfindən araşdırlır və siyahı tərtib edilir və biz o siyahı çərçivəsində vətəndaşı evlə təmin edə bilərik. Siyahıda adı olmayanlar da ola bilər ancaq insanlara dəymiş ziyan "Şərur" MTK tərəfindən yalnız və yalnız dövlət orqanlarının tərtib etdiyi siyahiya uğun şəkildə təmin olunur. Mən burdan uzumu tuturam vətəndaşlara ki, bunu şirkət rəhbərinin adından deyirəm: əgər "Şərur" MTK-nın möhürü ilə, bir ev iki adama satılıbsa biz ona beş ev veririk. Bu, mümkün deyil".

​Tünzalə xanım, İsfəndiyar bəyin "Müsavat TV"-yə müsahibəsində səsləndirdiyi bəzi fikirlər müzakirələrə səbəb olub. Bu haqda nə deyə bilərsiniz?

"​Bu mövzu haqqında uzun danışmaq istəmirəm sadəcə adam iş adamıdır onun cibində çoxlu pul da olar, bahalı maşını da ola bilər dövlət məmuru deyil ki, deyilsin bunlar nə ilə aldın? Ümumiyyətlə düşünürəm ki, cəmiyyətimizin sahibkarlara yanaşması doğru deyil, məmur ilə sahibkarı səhv salırlar".
​Bu gün bir çox MTK-larla bağlı problemlər mövcuddur. Əsasən də vətəndaşların zorla evindən çıxarılmasıdır. Bilirsiniz ki, "Melisa Park" tikinti şirkətinin Yasamalda əhaliyə zor tətbiq edərək, evləri qanunsuz sökdüyünə görə şirkət rəhbərliyi barədə cinayət işi açılıb. Ümumiyyətlə MTK-ların bu cür qanunsuz addımlarına münasibətiniz necədir?

​"Düzgün hal deyil, Milli qanunvericiliyə baxsaq, görərik ki, Azərbaycan Respublikası Konstitusiyasının 33-cü maddəsinə əsasən, hər kəsin mənzil toxunulmazlığı hüququ vardır. Adı çəkilən maddənin 2-ci hissəsində qeyd olunur ki, Qanunla müəyyən edilmiş hallar və ya məhkəmə qərarı istisna olmaqla mənzildə yaşayanların iradəsi olmadan heç kəs mənzilə daxil ola bilməz".
​"Şərur" MTK ilə bağlı da mətbuatda ara-sıra şikayət xarakterli məlumatlar gedir. Bu məlumatlar əsasən vətəndaş şikayətlərdir. "Şərur" MTK-dan ev alan vətəndaşların əsas şikayəti liftlə bağlı olur. Hətta Xətai rayonunda "Şərur MTK"-ya məxsus binada liftin qırılması nəticəsində 8 nəfər yaralanmışdı. Liftlərlə bağlı şikayətlər araşdırılırmı?

"​Dəfələrlə sakinlərə bununla bağlı xəbərdarlıq edilir ki, liftin yük götürmə qabiliyyəti var. O hadisədə də dörd nəfərlik liftə 8 nəfər eyni anda daxil olmuşdur. Bizim liftlə bağlı mütamadi problemimiz olmur, sadecə baxıma ehtiyacı olan binalarımız var ki, onlarda da loru dildə desək komendant pulu tam verilimir ki, bu problemlər aradan qaldırılsın. ​Bəzi sakinlər buna qanunsuz kimi baxır bu doğru deyil. Misal göstərək, liftlərin, su motorlarının işləməsi və ümumi sahələrin işıqlanması üçün sərf olunan elektrik enerjisi ümumi əmlak üçün istifadə olunan sərfiyyatlar, bunların xərci və digər baxım xərcləri mülkiyyətçilərdən yığılan ödənişlər hesabına başa gəlir.
​Bu qanunla da belədir. Mənzil Məcəlləsinin 38-ci maddəsinə görə, çoxmənzilli binaların ümumi əmlakının saxlanması üçün tələb olunan və məcburi hesab edilən xərclər sahə mülkiyyətçilərinin, yəni hər bir mənzil sahibinin məsuliyyətinə aid edilir və bu məsuliyyət öz mülkiyyət sahəsinin payı nisbətində nəzərdə tutulur.
​Məcəllənin 142-ci maddəsi isə açıqlayır ki, çoxmənzilli binanın idarə edilməsi haqqında xidmət razılaşdırılmış xidmətlərin adları və xidmət haqqı, aylıq ödəniləcək kommunal pulu əks olunur. Yəni idarəedici təşkilat müqavilədə əks olunan xidmətlərin yerinə yetirməsini üzərinə götürür. Mənzil sahibləri isə öz növbəsində onun haqqını ödəməyi öhdəsinə götürür.
​Deməli, mənzil mülkiyyətçiləri binanın ümumi sahələrinin baxımı və ümumi kommunal xərclərin qarşılanması üçün binadakı idarəedici təşkilata dövrü olaraq xidmət haqqı ödəməlidir ki, həmin xidmətləri də davamlı ala bilsin. Çoxmənzilli binalarda kommunal pulu ümumi əmlakın saxlanması üçün çəkilən istismar xərclərini qarşılamaq məqsədilə ödənilən aylıq baxım xərcidir. ​Başqa sözlə desək, çoxmənzilli binanın idarə edilməsi üçün aylıq xidmət haqqıdır. Qanunla, bu xidmətlərin təmin edilməsi binadakı bütün mülkiyyət sahiblərinin müştərək öhdəliyidir. İstismar xidmətlərinin kəsintisiz və lazımi səviyyədə əldə edilməsi üçün xidmət haqqının vaxtında və tam şəkildə ödənilməsi vacibdir".
Çiçək Sadatova

Telegramda izləyin