"Bu gün Azərbaycanla Türkiyə arasında birgə hərbi təlimlərin keçirilməsi iki ölkə arasındakı dərin əməkdaşlığın simvoludur" - AÇIQLAMA

"Azərbaycan Ordusunun, onun şəxsi heyəti və hərbi personalının Türkiyə modelinə uyğunlaşdırılması istiqamətində işlər davam etdirilir" - bunu Türkiyə parlamentinin Milli müdafiə komissiyasının sədri Hulusi Akar parlamentdə jurnalistlərə açıqlamasında deyib.

Komitə sədri xatırladıb ki, Azərbaycan Prezidenti İlham Əliyev Şimali Kipr Türk Cümhuriyyətinin müstəqilliyini dəstəkləyir:

"Azərbaycanın dövlət başçısının dediyi kimi, artıq "bir millət, iki dövlət" yox, "bir millət, üç dövlət"ik. Bundan əlavə, bir millət olmaqla yanaşı, həm də bir orduyuq. Ona görə də Azərbaycan və Türkiyə müdafiə sahəsində birgə çalışmalı, əməkdaşlığı gücləndirməlidirlər. Bunun üçün birgə hərbi təlimlərin keçirilməsi şərtdir".

"Bu gün Azərbaycanla Türkiyə arasında birgə hərbi təlimlərin keçirilməsi iki ölkə arasındakı dərin əməkdaşlığın simvoludur", - bunu Sonxeber.az -a açıqlamasında politoloq Tural İsmayılov deyib:

"Azərbaycan bu gün təkcə siyasi, kültürəl və mənəvi anlamda deyil, həm də hərbi və müdafiə sənayesi sahəsində də Türkiyə ilə əməkdaşlığını yüksək səviyyəyə çatdırıb. Azərbaycanla Türkiyə arasında imzalanan "Şuşa" bəyənnaməsindən sonra münasibətlərimizin həcmi daha da artdı. Bu gün Azərbaycanda səfərdə olan Türkiyə Parlamentinin komitə sədri Hulusi Akar da Azərbaycanla Türkiyənin hərbi potensialından bəhs edib. İki ölkənin çox uğurlu hərbi formatı var. Hansı ki, bu formatda təkcə qarşılıqlı hərbi məsləhətləşmələr aparmırıq, həm də Azərbaycan və Türkiyə birgə təlimlər həyata keçirir. Bu hərbi təlimlər Azərbaycan ordusunun peşəkarlıq imkanlarının daha da artırılmasına xidmət edir. Hər bir halda bu gün Azərbaycanla Türkiyə arasında birgə hərbi təlimlərin keçirilməsi iki ölkə arasındakı dərin əməkdaşlığın simvoludur. Azərbaycanın uğurları Türkiyənin, Türkiyənin uğurları isə Azərbaycanın uğurları kimi qəbul edilir. Bu gün müxtəlif yüksək platformalarda Azərbaycanla Türkiyə arasında ən uğurlu əməkdaşlıq metodları mövcuddur. Düşünürəm ki, bütün bunlar digər bir çox dövlətlərə örnəkdir".

Telegramda izləyin