Bu futbolçu "Qarabağ"dan 700 min manat maaş istəyir

Bu futbolçu "Qarabağ"dan 700 min manat maaş istəyir"Qarabağ"ın futbolçusu Yassin Benzia klubdan maaşının artırılmasını tələb edir. 30 yaşlı futbolçunun klubla müqaviləsi bu yay başa çatır.

Sonxeber.az qol.az-a istinadən xəbər verir ki, Benzia "Qarabağ"da qalmaq istəyir. Lakin bir şərtlə ki, yeni müqavilədə onun maaşı artırılsın.

Əlcəzairli oyunçunun hazırda Ağdam klubunda bir mövsümlük qazancının 700 min manata yaxın olduğu iddia edilir. Klub özü futbolçunun maaşını açıqlamır.

Tərəflər yeni müqavilə imzalamaq istəyirlər. Klub rəsmiləri bur müddət əvvəl Benzia ilə danışıqlar apardıqlarını bildiriblər. Futbolçu özü də aprelin 11-də azərbaycanlı jurnalistlərə açıqlamasında "Qarabağ"la müqaviləni uzatmaq üçün danışıqlar apardığını təsdiq edib. Amma o, yeni mövsümdə klubda qalıb-qalmayacağı barədə suala qeyri-müəyyən cavab verib.

"İndi dəqiq fikir səsləndirə bilmərəm, hazırda danışıqlar gedir. Təbii ki, "Qarabağ"da olmaqdan məmnunam. Baş məşqçi, klub, bir sözlə, hər şey ürəyimcədir. Lakin danışıqların necə yekunlaşacağını zaman göstərəcək" - deyə futbolçu bildirib.

Benzia "Qarabağ"da qalmağı həm də ona görə istəyir ki, bu komanda Avropa kuboklarının daimi iştirakçısıdır. Və hər bir futbolçu bu yarışların əsas mərhələsində oynamağı və özünü göstərməyi istəyir.

Amma o biri tərəfdən ona gələn cəlbedici təkliflər futbolçunun getmək həvəsini artırır.

Bu arada Əlcəzairin bir neçə media qurumu Yassin Benzianın mövsümün sonunda klubu tərk edəcəyini yazıb. Onun karyerasında yeni bir mərhələ başlanacağı iddia olunub. Benzianın yeni mövsümdən Səudiyyə Ərəbistanında oynayacağı bildirilib. Bildirilir ki, 30 yaşlı futbolçunu maliyyə imkanları cəlb edir.

Ağdam klubunda uğurlu çıxışından sonra Benzia 2024-cü ilin mart ayında yenidən milliyə çağırılıb. Əlcəzairin "DZfoot" saytının məlumatına görə, məhz millidəki bəzi komanda yoldaşları Benzianı "Qarabağ"dan ayrılaraq Səudiyyə Ərəbistanında oynamağa təşviq edir. Onlar özləri də həmin liqada çıxış edirlər. Sayt yazır ki, Benzia bu futbolçuların söhbətlərindən təsirlənib. Söhbət konkret olaraq Riyad Mahrez ("Əl-Əhli"), Houssem Aouar (Əll-Ittihad") və Saif Benrahmadan (NEOM SC) gedir.

Qeyd edilir ki, bəzi aparıcı Səudiyyə Ərəbistanı klubları onunla maraqlanır. Onların adları açıqlanmayıb. Lakin qeyd edilir ki, Benzia "Qarabağ"dan ayrılsa, karyerasının ən bahalı müqaviləsinə imza atacaq.


Sonxeber.az
Telegramda izləyin
İdman   Baxılıb: 3690   Tarix: 15 aprel 2025  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

FIFA Ronaldunun komandasına yeni oyunçuların qeydiyyatı ilə bağlı qadağa qoyub

FIFA portuqaliyalı hücumçu Kriştianu Ronaldunun da formasını geyindiyi Səudiyyə Ərəbistanının "Əl-Nəsr" komandasına yeni oyunçuların qeydiyyatı ilə bağlı qadağa qoyub. "Report" "Arriyaditah" nəşrinə istinadən xəbər verir ki, buna ispaniyalı futbolçu Emerik Laportanın transfer

20 dekabr
.

İkardi "Qalatasaray"dan gedir?

"Qalatasaray"ın oyunçusu Mauro İkardi karyerasını İtaliyanın "Milan" klubunda davam etdirə bilər. "Qafqazinfo" xəbər verir ki, bu barədə italyan mətbuatı yazıb. Bildirilib ki, 32 yaşlı hücumçu İstanbul klubundan ayrılmaq niyyətindədir. Buna səbəb onun bu yaxınlarda star

13 dekabr
.

"Qarabağ" ötən il qazandığından çox xərcləyib

Azərbaycan Premyer Liqasında iştirak edən klubların 2024-cü ildə əldə etdiyi gəlirlər və xərcləri müəyyənləşib. "Qafqazinfo" xəbər verir ki, bu barədə AFFA-nın klubların lisenziyalaşdırılması üzrə hesabatında qeyd olunub. Ötən il ən çox gəlir əldə edən də, xərcləyən klub da "Qarabağ"

17 dekabr
.

Braziliya klubu "Qarabağ"ın futbolçusunu almaqda İSRARLIDIR: İkinci təklif göndərildi

Braziliyanın "Botafoqo" futbol klubu "Qarabağ"ın yarımmüdafiəçisi Pedro Bikalyo ilə müqavilə imzalamaq üçün ikinci dəfə rəsmi təklif göndərib. xəbər verir ki, məlumatı "Globo" nəşri yayıb. Təklifin formatı dəyişməyib (satın almaq hüququ ilə icarə), lakin bu dəfə Rio-de-Janeyr

20 dekabr
.

"Qarabağ" azarkeşlərinə görə cərimələndi

Bu gün AFFA İntizam Komitəsinin iclası keçirilib. "Qafqazinfo" PFL-in saytına istinadən xəbər verir ki, iclasda Misli Premyer Liqasının 15-ci turundakı qayda pozuntuları ilə bağlı qərarlar qəbul edilib. "Turan Tovuz" - "Sabah" oyununda "Sabah"dan 7 nəfər sarı vərəq

16 dekabr
.

Azərbaycan idmanında ağır itki

Azərbaycan həndbol ictimaiyyətinə ağır itki üz verib. Qaynarinfo xəbər verir ki, Əməkdar məşqçi, Əməkdar bədən tərbiyəsi və idman xadimi, SSRİ idman ustası İqor Leksutov bu gün 82 yaşında vəfat edib. O, 1967-ci ildən məşqçi və baş məşqçi vəzifələrində çalışıb. İqor Leksutov 40 ilə yaxın məşqçilik fəaliyyət

19 dekabr
.

"Qalatasaray"dan gecə yarısı İkardi AÇIQLAMASI

"Qalatasaray"ın baş katibi Eray Yazqan, ayrılacağı ilə bağlı şayiələrin mövzusu olan Mauro İkardi üçün qəti bir açıqlama verib. -ın Türkiyə KİV-nə istnadla xəbərinə görə, Yazqan İkardinin "Qalatasaray"ın kapitanı və əvəzolunmaz oyunçusu olduğunu və argentinalı hücumçunun "sarı-qırmızılı"

17 dekabr
.

"Beşiktaş" dopinqə görə cəza alan futbolçunu transfer etmək istəyir

"Çelsi"nin ukraynalı vingeri Mixail Mudrik qış transfer pəncərəsində klubunu dəyişə bilər. "Eagle Media"ya istinadən xəbər verir ki, "Beşiktaş" futbolçuya ciddi maraq göstərir və onunla bağlı vəziyyəti diqqətlə izləyir. İstanbul klubunun rəhbərliyi yanvarda danışıqları aktivləşdirməy

13 dekabr
.

"Qarabağ" dünya reytinqində gerilədi

Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb. "Qafqazinfo" xəbər verir ki, "Qarabağ" hazırda 68-ci pillədədir. Buna səbəb isə onun 3 sıra geriləməsidir. Ölkə çempionunun aktivində 187.5 xal var. "Sabah" 276-c

11 dekabr