"Azərbaycan regionda sülh və əməkdaşlıq mühitinin formalaşması üçün mühüm təşəbbüslərlə çıxış edir" - DEPUTAT

"Azərbaycan Respublikasının Prezidenti İlham Əliyev 9 aprel 2025-ci ildə ADA Universitetində keçirilən "Yeni dünya nizamına doğru" adlı beynəlxalq forumda iştirak edib.
Azərbaycana müxtəlif ölkələrdən olan beynəlxalq ekspertlərin böyük bir qrupu qlobal gündəlikdə duran mühüm məsələləri müzakirə etmək üçün səfər etmişdilər. Azərbaycanın tarixi ərazilərinin azad edilməsindən sonra beynəlxalq ekspertlərin həmin ərazilərə müntəzəm səfərləri onlara ölkəmizin tarixi haqqında daha dolğun məlumat verir. Onlara münaqişənin tarixi və İkinci Qarabağ müharibəsində şanlı Zəfərimizdən ayrılması mümkün olmayan Azərbaycanın bugünkü reallığı və beynəlxalq dəstək olmadan ölkənin ərazi bütövlüyünün öz gücü, siyasi-hərbi yolla bərpası və yenidən qurulması ilə bağlı məlumat verir. Xüsusilə Azərbaycanın işğaldan azad edilmiş ərazilərində həyata keçirilən bərpa və yenidənqurma işlərindən bəhs edib. O qeyd edib ki, qarşıdakı üç il ərzində dəmir yolu, avtomobil yolları, elektrik enerjisi istehsalı və su təchizatı layihələri başa çatdırılacaq, həmçinin şəhər və kəndlərin bərpası üçün baş plan hazırlanır. Bu proseslərdə əsas məqsəd keçmiş məcburi köçkünlərin öz yurdlarına qayıdışını təmin etməkdir".

Bu sözləri Sonxeber.az-a deputat Şahin Seyidzadə danışıb.

O, açıqlamasında qeyd edib ki, əgər Azərbaycan və Ermənistan arasında sülh sazişi bağlanarsa, bu, nəinki iki ölkə arasında münasibətlərin normallaşmasına, həm də iqtisadi, nəqliyyat və humanitar sahələrdə əməkdaşlığın başlanmasına şərait yaradar:

"Çıxışını Prezident İlham Əliyev: "Azərbaycanın nəzərə alınmamasının mümkünsüz olduğunu anlamaq üçün, sadəcə, xəritəyə nəzər salmaq kifayət edər. Bu məsələ qismən yerləşdiyimiz coğrafiya və Azərbaycan xalqının tarixi, Azərbaycanın, eyni zamanda, Şərqi və Qərbi coğrafiyanın bir hissəsi olaraq əsrlər boyunca necə inkişaf etməsi ilə bağlıdır. Əlbəttə ki, coğrafiya hər bir ölkə üçün mühüm amildir. Lakin o, siyasətimizdə dominantlıq edən yeganə amil deyil. Beləliklə, siyasətimizi həmin coğrafiya əsasında qurmuşuq".
Prezident İlham Əliyev həmçinin Zəngəzur dəhlizinin istifadəyə verilməsi ilə bağlı planlardan danışıb və bildirib ki, bu layihə regionda nəqliyyat əlaqələrini yaxşılaşdıracaq. O, həmçinin Ermənistanla sərhədin delimitasiya və sülh razılaşması məsələlərinə toxunaraq, bu proseslərin ayrı-ayrı aparılmasının vacibliyini vurğulayıb.
Azərbaycan və Ermənistan arasında saziş imzalananda əməkdaşlığın başlanılmasına heç bir maneə qalmayacaq. Bu cür sazişin imzalanması regionda sülh və sabitliyin bərqərar olunması üçün mühüm addım olar. Belə bir saziş eyni zamanda Cənubi Qafqaz regionunda uzunmüddətli əməkdaşlıq və inteqrasiya üçün əsas baza rolunu oynaya bilər.
Prezident İlham Əliyev Azərbaycanın xarici siyasətində qarşılıqlı hörmət və maraqlara əsaslanan əlaqələrin qurulmasına da toxunmuşdur. Qeyd edim ki, Azərbaycan Respublikası müstəqilliyini bərpa etdikdən sonra beynəlxalq aləmdə öz yerini möhkəmləndirmək və milli maraqlarını qorumaq məqsədilə çoxşaxəli, balanslaşdırılmış və prinsipial xarici siyasət yürütməyə başlamışdır. Bu siyasətin əsas dayaqlarından biri qarşılıqlı hörmət, bərabərlik və qarşılıqlı maraqlara əsaslanan münasibətlərin qurulmasıdır. Azərbaycanın xarici siyasət kursu dövlət suverenliyi, ərazi bütövlüyü və daxili işlərə qarışmamaq kimi beynəlxalq hüququn əsas prinsiplərinə söykənir. Azərbaycan öz tərəfdaşlarından da eyni yanaşmanı gözləyir və əməkdaşlığın bu prinsiplər çərçivəsində inkişafını vacib hesab edir. Eyni zamanda, Azərbaycan qonşu ölkələrlə mehriban qonşuluq siyasəti həyata keçirir. Rusiya, Türkiyə, İran və Gürcüstanla qarşılıqlı maraqlara əsaslanan enerji, nəqliyyat və təhlükəsizlik sahələrində əməkdaşlıq əlaqələri inkişaf edir. Xüsusilə Azərbaycan-Türkiyə münasibətləri strateji tərəfdaşlıq səviyyəsinə yüksəlmişdir və bu əlaqələr bölgədə sabitliyin təmin olunmasında mühüm rol oynayır. Prezident İlham Əliyev Azərbaycanın dosrluq münasibətlərindən danışaraq bildirmişdir ki: "Türkiyə və İsrail Azərbaycanın yaxın dostudur. Biz Türkiyə ilə müttəfiqik. 2021-ci ildə Şuşa Bəyannaməsini imzalamışıq və rəsmi surətdə müttəfiq olmuşuq. Baxmayaraq ki, müttəfiqlik münasibətlərimiz de-fakto bu formal prosedurdan uzun müddət əvvəl mövcud olub. İsrail Azərbaycana dost ölkədir. Uzun illər ərzində hər ikimiz üçün çətin zamanlarda qarşılıqlı dostluq nümayiş olunub. Ona görə də, əlbəttə ki, bu iki ölkə arasındakı gərginlik bizim üçün çox narahatlıq doğurur. Artıq məlum olduğu kimi, - baxmayaraq ki, özümüz bunu açıq şəkildə heç vaxt bəyan etməmişik, bu, artıq kifayət qədər geniş şəkildə yayılıb, - Türkiyə ilə İsrail arasında ilk uğurlu barışıq müəyyən dərəcədə Azərbaycanın vasitəçiliyi ilə əldə olunub"".

Deputat onu da vurğuladı ki, 44 günlük Vətən Müharibəsindən sonra Azərbaycan post-münaqişə dövründə Cənubi Qafqazda dayanıqlı sülhün qurulması üçün konstruktiv yanaşma nümayiş etdirir:

"Qlobal Tərəfdaşlıqlar və Beynəlxalq Təşkilatlarla Əməkdaşlıqla bağlı Azərbaycan Birləşmiş Millətlər Təşkilatı, İslam Əməkdaşlıq Təşkilatı, Qoşulmama Hərəkatı, Avropa Şurası və digər beynəlxalq təşkilatlarla fəal əməkdaşlıq edir. 2019–2023-cü illərdə Qoşulmama Hərəkatına sədrlik edən Azərbaycan bu müddət ərzində inkişaf etməkdə olan ölkələrin səsinin beynəlxalq aləmdə eşidilməsi üçün əhəmiyyətli addımlar atmışdır. Enerji və Nəqliyyat Layihələri vasitəsilə Beynəlxalq Əlaqələrin Gücləndirilməsi Azərbaycanın həyata keçirdiyi beynəlxalq enerji və nəqliyyat layihələri (TANAP, TAP, Bakı-Tbilisi-Ceyhan, Bakı-Tbilisi-Qars və s.) ölkənin regional və qlobal miqyasda strateji əhəmiyyətini artırmışdır. Bu layihələr tərəfdaş ölkələrlə qarşılıqlı etimad və maraqlar üzərində qurulmuş uzunmüddətli əməkdaşlığın bariz nümunələridir.
Sülh və Təhlükəsizlik Təşəbbüsləri gəldikdə isə, Azərbaycan regionda sülh və əməkdaşlıq mühitinin formalaşması üçün mühüm təşəbbüslərlə çıxış edir. 2020-ci ildə 44 günlük Vətən Müharibəsindən sonra Azərbaycan post-münaqişə dövründə Cənubi Qafqazda dayanıqlı sülhün qurulması üçün konstruktiv yanaşma nümayiş etdirir. Sülh müqaviləsinin imzalanması istiqamətində atılan addımlar da bu siyasətin bir hissəsidir. Azərbaycanın xarici siyasəti milli maraqların qorunması ilə yanaşı, beynəlxalq sülh, təhlükəsizlik və əməkdaşlığa da töhfə verməyi hədəfləyir. Qarşılıqlı hörmət və maraqlara əsaslanan əlaqələr bu siyasətin əsasını təşkil edir və Azərbaycanın dünya siyasətində etibarlı tərəfdaş kimi tanınmasına səbəb olur.
Onu da qeyd edim ki, bu forumda Prezident İlham Əliyevin çıxışı beynəlxalq media orqanlarında geniş işıqlandırılıb. Xarici ekspertlər onun çıxışını yüksək qiymətləndirərək, Azərbaycanın regionda sülh və əməkdaşlıq istiqamətindəki səylərini vurğulayıblar".

Telegramda izləyin