Kəllə sümüyü onurğasından ayrılmaq üzrə idi: 37 əməliyyat keçirtdi - FOTO

Meqan Kinq adlı qadının hekayəsi müasir tibbin nailiyyətlərinin qeyri-adi nümunəsidir. 2005-ci ildə 16 yaşında Kinq futbol matçı zamanı yerə yıxılır və özü də bilmədən çox ciddi zədə alıb.

Sonxeber.az xarici mediaya istinadən xəbər verir ki, bu yıxılma nəticəsində onun kəllə sümüyü ilə onurğası arasındakı əlaqə zədələnib, çiyin əzələləri qopub. Bu vəziyyət tibbi dildə "Atlanto-oksipital dislokasiya" adlanır. Belə ki, Kinqin başı kənardan görünməsə də, daxili quruluşu demək olar ki, bədənindən ayrı idi.

Bu illər ərzində Kinq 30-dan çox əməliyyat keçirib və uzun müddət qoltuqağacı ilə yaşamalı olub. Lakin aparılan müalicələrə baxmayaraq, onun vəziyyəti getdikcə pisləşib. Sümük oynaqları zəiflədi, əzələləri parçalanmağa başladı və daimi, şiddətli ağrılardan əziyyət çəkdi.

Həkimlər onun kəlləsini onurğasına birləşdirmək üçün təcili əməliyyat keçirərək həyatını xilas ediblər. Cəmi 37 əməliyyatdan sonra Kinqin kəllə sümüyü bütün onurğasına, çanaq sümüyünə qədər bərkidildi. Prosedura "spinal füzyon" deyilir və Kinq artıq başını heç bir istiqamətə hərəkət etdirə bilmir.

Hazırda 35 yaşlı Kinq vəziyyətini belə izah edir: "Mən rəsmən insan heykəliyəm. Onurğam heç tərpənmir. Amma bu, yaşamağı dayandırmışam demək deyil".

Kinqin hekayəsi həm nadir bir xəstəliklə mübarizənin çətinliklərini, həm də müasir tibbin həyat qurtaran nailiyyətlərini vurğulayır.

Telegramda izləyin