Qatil tutub ona xəyanət edən ərini öldürtdürdü

İngiltərənin Tameside şəhərində bir qadın keçmiş ərini öldürtdürüb.

Sonxeber.az türk mediasına istinadən xəbər verir ki, buna səbəb xəyanət olub.

Kempbell adlı qadın əri Tomasın onu aldatdığını öyrənib və onu öldürtdürməyə qərar verib. Bir qrup keçmiş cinayətkarlarla əlaqə saxlayıb. O tapdığı şəxslərə ərinin tam ünvanını, nömrəsini və ev nömrəsini ətraflı şəkildə verib. Onlar Toması evinin qarşısında yaxalayaraq içəri sürükləyiblər. İki saat ərzində kişini vəhşicəsinə döyüblər. Onu bıçaqlayıb, qaynar su ilə yandırıblar. Daha sonra isə hadisə yerindən qaçıblar.

Qonşuların məlumatı ilə ünvana polis və təcili tibbi yardım sövq edilib. Həkimlər ilk müayinə zamanı Tomasın öldüyünü müəyyən ediblər. Onun meyiti tibbi ekspertizaya aparılıb.

Məhkəmə-tibbi ekspertizanın rəyinə görə, Tomasın bədənində 61 ayrı yara izi aşkar edilib.

Polis təhlükəsizlik kameralarını izləyərək şübhəliləri saxlayıb. Onlar əməli törətmək üçün Tomasın arvadından əmr aldıqlarını bildiriblər.

Saxlanılan Kempbell əməlini etiraf edib.

Faktla bağlı istintaq davam edir.

Telegramda izləyin