Yağışda ağacın altına sığınan 5 şagirdi ildırım vurdu

Hindistanın şimalında yerləşən universitetdən birində ildırımın beş tələbəni vurması dəhşətli anı lentə alıb.

Sonxeber.az xarici mediaya istinadən xəbər verir ki, kadrlarda bir qrup tələbənin leysan yağışdan çarəsizcə ağacın altına sığındığı görünür.

Ancaq yağışın dayandığını düşünəndə dəhşətli bir hadisə baş verdi.

İldırım çaxıb və tələbələr yerə yıxılıb. Görüntülərdə beş tələbənin hamısının yerdə hərəkətsiz uzandığı görünür.

Qısa müddətdən sonra tələbələrdən biri yerdə huşsuz yatan dostlarının arasından çətinliklə ayağa qalxa bilir. Bir an belə tərəddüd etmədən cəld hadisə yerindən qaçır. O, huşunu itirmiş tələbələrə kömək etməyə tələsən bir qrup yaxşı niyyətli adamla dərhal geri qayıdır.

Bu dəhşətli hadisədə ildırımın vurduğu bütün tələbələrin yanıq xəsarətləri alıb. İki tələbənin vəziyyətinin çox ağır olduğu bildirilib.

Telegramda izləyin