Zibil konteynerindən yeni doğulmuş körpə cəsədi tapıldı

Türkiyədə zibil konteynerin içərisindəki torbadan körpə meyiti tapılıb.

Sonxeber.az türk mediyasına istinadən xəbər verir ki, alınan məlumata görə, zibil qutusundan təkrar emal materialı toplayan şəxs axtarış apararkən oradan torbada körpə cəsədi tapıb.

Körpənin meyitini görən şəxs 112 Təcili Zəng Mərkəzinə zəng edərək hadisə barədə məlumat verib. Xəbərdarlığın ardından bölgəyə polis və tibbi qruplar sövq edilib.

Bölgəyə sövq edilən sağlamlıq qrupları apardıqları yoxlamalar zamanı körpənin cinsiyyətinin kişi olduğunu və öldüyünü müəyyən edib.

Polis qrupları körpəni zibil qutusuna atan şəxs və ya şəxslərin tapılması üçün işlərə başlayıb. Zibil konteynerinin yerləşdiyi ərazini qeydə alan ərazidəki təhlükəsizlik kameraları ilə bağlı da araşdırma başladılıb.

Cəsədi zibillikdə tapan şəxs dindirilmək üçün polis bölməsinə aparılıb. Hadisə ilə bağlı araşdırmalara başlanılıb.

Telegramda izləyin