Evdən çıxdıqdan sonra geri qayıtmayan 7 yaşlı uşağın meyiti tapıldı

Adananın Karataş rayonunda oynayarkən itkin düşən 7 yaşlı Cumali Timinin meyiti yaşadıqları çadırın yaxınlığındakı suvarma kanalında tapılıb.

Sonxeber.az türk mediasına istinadən xəbər verir ki, hadisə Bahçe məhəlləsində baş verib. Bölgəyə mövsümi əkinçilik işçisi kimi gələn Karanfil və İbrahim Timi cütlüyünün 7 yaşlı oğlu Cumali aprelin 12-də səhər saatlarında dostu ilə oynamaq üçün çadırdan çıxıb. Lakin o bir daha geri qayıtmayıb.

Uşağı tapa bilməyən ailə vəziyyəti pollisə bildirib. Xəbərdarlıq üzərinə polis qrupları bölgəyə sövq edilib. Polislər pilotsuz təyyarələr və axtarış itləri ilə əməliyyata başlayıb.

İşin 6-cı günündə axtarışlar təxminən 150 nəfərlik şəxsi heyət, qayıq və dronlarla davam etdirilib. Aparılan işlər çərçivəsində körpünün yerləşdiyi ərazidəki suvarma kanalında uşağın meyiti tapılıb.

Timinin ölüm xəbərini eşidən anası huşunu itirib.

Faktla bağlı araşdırmalar davam edir.

Telegramda izləyin