Bankir qadın zərgərlik mağazasını görün hansı səbəbdən soyub

Kayseridə özünü yaşlı kimi göstərərək qızıl mağazasını soymağa çalışan qadın bankir məhkəmə tərəfindən həbs edilib.

Sonxeber.az türk mediasına istinadən xəbər verir ki, ifadəsində iş yerində mobbingə məruz qaldığını bildirən qadın, "Kriptovalyutaya sərmayə qoymağa çalışdım, amma aldadıldım. Bazarda gəzərkən zərgərləri gördüm. Mən mübarizə apararkən onların xoşbəst olduğunu görmək əsəblərimi pozdu. Hər şey bir anın içində baş verdi. Peşmanam", - deyə bildirib.

Hadisə anı mağazanın təhlükəsizlik kamerasına əks olunub. Görüntülərdə qadın ona zinət əşyalarını göstərmək istəyən zərgərin üzünə cibindən çıxardığı bibər qazını sıxır, sonra isə onun başına daşla vurur. Mağaza sahibi də ona qarşılıq verir və tərəflər arasında əlbəyaxa dava düşür.

Polisə məlumat verildikdən sonra qadın saxlanılıb.

Faktla bağlı istintaq davam edir.

Telegramda izləyin