Bir yaş yarımlıq uşağa fiziki təzyiq göstərən baxıcı həbs edildi

Türkiyədə, Adnan Menderes Məhəlləsində yaşayan O.Ö.K və M.K. adlı cütlük 4 ay əvvəl bir il yarımlıq qızları R.K.-ya dayə tapmaq üçün elan paylaşdı.

Sonxeber.az türk mediyasına istinadən xəbər verir ki, elan üzərinə iş üçün müraciət edən dayə H.K. uşağa baxmağa başlayıb. Bir müddət sonra övladının aqressiv davranışını, səhərə qədər davam edən ağlamalarını, bədəninin müxtəlif yerlərində əzilmələri görən ailə evlərinə təhlükəsizlik kamerası quraşdırıb.

Kamera quraşdırılan ilk gün baxıcının uşağa kobud davrandığı məlum olub. Təhlükəsizlik görüntülərində baxıcının bir yaş yarımlıq uşağa fiziki təzyiq göstərdiyi an əks olunub.

Görüntülərə baxan ailə polis bölməsinə gedərək baxıcıdan şikayət edib. Baxıcı H.K. təhlükəsizlik kamerası görüntülərini araşdıran polislər tərəfindən saxlanılıb.

Telegramda izləyin