Forklift operatoru yüksək platformadan yıxılaraq öldü - VİDEO

Vyetnamda tikinti layihəsində işləyən forklift operatoru asılmış platformadan yıxılaraq faciəvi şəkildə ölüb.

Sonxeber.az xarici mediyaya istinadən xəbər verir ki, hadisənin bütün təfərrüatları tikinti sahəsindəki təhlükəsizlik kameralarında əks olunub.

Görüntülərdə dəbilqə və flüoresan jilet taxan işçinin kranla havada asılmış platformada yaşıl forklift idarə etdiyi görünür. İşçi forkliftlə binaya girmək istəyərkən, maşının qabağı binanın kənarına çırpılıb, platforma qəfil silkələnib binadan uzaqlaşıb.

Bu silkələnmə nəticəsində platforma ilə bina arasında böyük boşluq yaranıb. Forklift bu boşluqdan düşüb və operatoru ilə birlikdə havada tərs çevrilərək tikinti sahəsində yerə çırpılıb.

Hadisəni görən digər işçilər binanın kənarından dəhşət içində baş verənləri izləsələr də, dostlarını xilas etmək üçün heç nə edə bilməyiblər. Adı açıqlanmayan işçinin hadisə yerində öldüyü bildirilib.

Telegramda izləyin