Avtomobil yük maşını ilə toqquşdu: 1 ölü, 1 yaralı var

Türkiyədə dəhşətli qəza baş verib.

Sonxeber.az türk mediyasına istinadən xəbər verir ki, əldə edilən məlumata görə B.Ö.-nin idarə etdiyi 26-EH-405 dövlət nömrə nişanlı yük maşını naməlum səbəbdən qarşı tərəfdən gələn M.K.-nın idarə etdiyi 03-BT-154 dövlət nömrə nişanlı avtomobillə toqquşub.

Qəzada əzilən avtomobilin sürücüsü və onunla birlikdə olan E.K nəqliyyat vasitəsinin içərisində sıxışıb qalıb. Ətrafdakıların xəbər verməsindən sonra bölgəyə polis, tibbi və xilasetmə qrupları sövq edilib.

Hadisə yerinə gələn xilasetmə qrupları E.K. hadisə yerində ölmüş və yaralı sürücü M.K.-nı təxminən 20 dəqiqəlik müdaxilədən sonra sıxışdığı yerdən çıxara bilib.

Qəza səbəbindən magistral yolda bir müddət nəqliyyatın hərəkəti nəzarət altına alınıb, aşmış yük maşını qaldırıcı kranın köməyi ilə aşdığı yerdən çıxarılıb.

Qəzadan sonra prokurorluq tərəfindən araşdırmalara başlanıldığı bildirilib.

Telegramda izləyin