"Bu gün biz Ermənistanın real sülhün düşməni olduğunu müşahidə edirik" - AÇIQLAMA

Aprelin 23-də saat 22:20 radələrində Azərbaycan Ordusunun bölmələri tərəfindən guya Xəznəvar yaşayış məntəqəsi istiqamətində atəş açılması barədə Ermənistan müdafiə nazirliyinin yaydığı məlumat növbəti dezinformasiyadır və həqiqəti əks etdirmir.

Bu barədə Azərbaycan Müdafiə Nazirliyi məlumat yayıb.

"Bir daha bildiririk ki, Azərbaycan Ordusunun bölmələri tərəfindən mülki əhali və obyektlər istiqamətində heç vaxt atəş açılmır.

Qarşı tərəf bu cür məqsədyönlü dezinformasiya və yalan məlumatlar yaymaqla öz təxribatlarını ört-basdır etməyə, eləcə də beynəlxalq ictimaiyyətdə yanlış rəy formalaşdırmağa çalışır".

"Bu gün biz Ermənistanın real sülhün düşməni olduğunu müşahidə edirik" , - bunu Sonxeber.az -a açıqlama verən politoloq Tural İsmayılov deyib:

"Ermənistan Azərbaycanla sülh müqaviləsi imzalamaq üçün üzərinə düşən öhdəlikləri yerinə yetirmək yerinə saxta dezinformasiyalar yayaraq cəmiyyəti çaşdırmağa çalışır. Bu gün biz Ermənistanın real sülhün düşməni olduğunu müşahidə edirik. Bu formada Ermənistan güya Azərbaycan tərəfindən atəşkəsin pozulduğu ilə bağlı yalan informasiyalar yaymaqla məşğuldur. Bu, dəfələrlə təkrarlanıb. Qarşı tərəf bu addımlarla öz real məqsədinin nədən ibarət olduğunu bütün dünyaya nümayiş etdirib. Faktiki olaraq bu gün Ermənistanın sülhlə bağlı təsəvvürü belə yoxdur. Onlar öz cəmiyyətlərini sülhə hazırlamaq yerinə Azərbaycanı yalan şəkildə ittiham edərək bizə qarşı nifrət oyatmağa çalışırlar. Bütün bunlar Ermənistanın Azərbaycana qarşı dezinformasiya savaşının növbəti elementləridir".

Çiçək Sadatova

Telegramda izləyin