Yaşayış binasında yanğın: Ər və arvad həyatını itirdi - VİDEO

Yalovanın Çınarcık rayonunda gecə saatlarında Poyraz Caddesi üzərində yerləşən yaşayış binasının 3-cü mərtəbəsindəki mənzildə yanğın baş verib. Hadisənin səbəbi hələlik məlum deyil.

Sonxeber.az türk mediasına istinadən xəbər verir ki, yanğınsöndürənlər hadisə yerinə çatdıqda, mənzilin baxımsız və tullantılarla dolu vəziyyətdə olduğunu görüblər ki, bu da müdaxiləni çətinləşdirib.

Ev sahibi 53 yaşlı Hande Savaştan mənzildə köməksiz vəziyyətdə qalıb. Elektrik xətlərinin xilasetmə texnikasının yaxınlaşmasına mane olması səbəbilə, yanğınsöndürənlər təhlükəsizlik döşəyi quraşdırıblar. Qadın pəncərədən döşəyə düşsə də, vəziyyəti ağır olduğundan Çınarcık Dövlət Xəstəxanasında həkimlərin səylərinə baxmayaraq həyatını xilas etmək mümkün olmayıb.

Yanğını söndürən FHN əməkdaşları evin salonunda Hande Savaştanın 73 yaşlı həyat yoldaşı Ali Savaştanı ölü vəziyyətdə aşkar ediblər. Mənzilin hamam otağında isə cütlüyün 26 yaşlı oğlu Cengizhan Savaştan ağır yaralanmış vəziyyətdə tapılıb. Yaralı ilkin olaraq Yalova Tədris və Araşdırma Xəstəxanasına yerləşdirilib, lakin vəziyyətinin pisləşməsi səbəbilə daha sonra Bursa şəhərinə göndərilib.

Faktla bağlı araşdırma aparılır.

Telegramda izləyin