Qaz sızması panikaya səbəb oldu – 7-ci mərtəbədən özünü atdı - VİDEO

İstanbulun Ataşəhər rayonunda yerləşən Başkomutan küçəsindəki bir yaşayış binasında qaz sızması ilə müşayiət olunan partlayış baş verib. Hadisə binanın 7-ci mərtəbəsində setüstü qaz plitəsinin quraşdırılması zamanı qeydə alınıb.

Sonxeber.az türk mediasına istinadən xəbər verir ki, ilkin məlumata görə, plitəni quraşdıran 22 yaşlı Dursun Erol, baş verən qaz sızması və alovlanma nəticəsində panikaya düşərək, mənzilin pəncərəsindən özünü aşağı atıb.

Hadisə yerinə dərhal polis, yanğınsöndürmə, təcili tibbi yardım və İGDAŞ-ın (İstanbul Qaz Dağıtım A.Ş.) əməkdaşları cəlb olunub. Mütəxəssislər mənzildə təhlükəsizlik yoxlamaları aparıblar. Beton səthə düşən gəncin ağır yaralandığı müəyyən olunub.

Dursun Erola ilkin tibbi yardım hadisə yerində göstərilib və o, təcili şəkildə xəstəxanaya çatdırılıb. Faktla bağlı araşdırma aparılır.

Qeyd edək ki, Erolun 7-ci mərtəbədən atıldığı anlar yaxınlıqdakı bir obyektin təhlükəsizlik kamerası tərəfindən qeydə alınıb. Kadrlarda onun yerə düşməsi açıq şəkildə görünür.

Telegramda izləyin