Bankın mühafizəçisi başından silahla vurulmuş halda tapıldı

Muğlanın Marmaris rayonunda bankın muhafizəçisi ayaqyolunda ölü tapılıb.

Sonxeber.az türk mediasına istinadən xəbər verir ki, hadisə səhər saatlarında Təpə rayonunda yerləşən bank filialında baş verib.

Əldə edilən məlumata görə, Marmarisə müvəqqəti növbətçiliyə gələn 26 yaşlı mühafizəçi Y.S. səhər işə gəldikdən sonra işçilərin istifadə etdiyi tualetə daxil olub. Az sonra içəridən silah səsləri eşidilib.

Silah səslərini eşidən bank işçiləri və müştərilər vəziyyəti 112 Təcili Zəng Mərkəzinə məlumat veriblər. Xəbərdarlıq üzərinə bölgəyə təcili tibbi yardım və polis qrupları sövq edilib. Qısa müddətdə hadisə yerinə gələn tibb qrupları başından güllə yarası alan və ağır yaralanan Y.S.-yə ilkin tibbi yardım göstərib və onu təcili tibbi yardımla Marmaris Dövlət Xəstəxanasına çatdırıblar.

Xəstəxanada müalicəsi davam etdirilən mühafizəçi bütün müdaxilələrə baxmayaraq həyatını itirib.

Hadisə ilə bağlı araşdırma aparılır.

Telegramda izləyin