Ramiz Mehdiyevin qızı "təslim olmur"

Prezident Administrasiyasının sabiq rəhbəri Ramiz Mehdiyevin qızı Kamilə Əliyeva "Baku Oksford Məktəbi"ində pay uğrunda mübarizəni sona qədər aparmaq niyyətindədir.

"Qafqazinfo"nun əldə etdiyi məlumata görə, apellyasiya instansiyasından istədiyi nəticəni ala bilməyən Əliyeva indi də Ali Məhkəməyə üz tutub.

Mehdiyevin qızı apellyasiya instansiyasının qərarının ləğv edilməsini, "Baku Oksford Məktəbi"nin 1/2 hissəsinin onun əmlakı kimi tanınmasını istəyir.

Son qərarı Ali Məhkəmə verəcək.

Qeyd edək ki, Bakı Apellyasiya Məhkəməsi şikayəti əsassız sayıb. Qərarda deyilir ki, Məktəb "Baku Steel Company"dən mənimsənilən pullar hesabına tilkilib. Bu səbəbdən nə Kamilə Əliyeva, nə də məktəbin təsisçisi Mehriban Məmmədova əmlak üzərində mülkiyyət hüququna malikdir.

Xatırladaq ki, "Baku Steel Company"nin keçmiş rəhbəri Rasim Məmmədov Dövlət Təhlükəsizliyi Xidməti (DTX) tərəfindən həbs edilib. Ona xüsusilə külli miqdarda mənimsəmə ittihamı ilə 13 il 9 ay həbs cəzası verilib. Məmmədovun özünün və yaxınlarının milyonlarla manat dəyərində əmlakı, o cümlədən "Baku Oksford Məktəbi" də müsadirə olunub.

Telegramda izləyin