Yumurtanın son istifadə tarixini sildi, sosial şəbəkədə geniş müzakirələrə yol açdı - VİDEO

Bazarlardan birində qeydə alınan görüntülər böyük ictimai narazılığa səbəb olub.

Sonxeber.az türk mediasına istinadən xəbər verir ki, kadrlarda yumurta satan bir şəxsin məhsulların üzərindəki son istifadə tarixlərini bıçaqla silərək gizlətdiyi anlar sosial şəbəkələrdə geniş müzakirələrə yol açıb.

İstehlakçı sağlamlığı baxımından ciddi narahatlıq doğuran bu görüntülər, qida təhlükəsizliyi sahəsində nəzarət boşluqlarını yenidən gündəmə gətirib. Vətəndaşlar hadisəyə sərt reaksiya verib, məsələ ilə bağlı aidiyyəti qurumların tədbir görüb-görməyəcəyi maraqla gözlənilir.

Qida mütəxəssisləri xüsusilə açıq havada qida satışı ilə bağlı nəzarət və yoxlamaların daha da gücləndirilməsinə çağırırlar.

Videonun altına yazılan bəzi şərhlər isə belədir:
– Ay qardaş, sizdə heç Allah qorxusu yoxdurmu?
– Heç bir bələdiyyə nəzarətçisi bazarlarda yoxlamalar aparmır?
– Ölkədə hər cür əxlaqsızlıq tüğyan edir.
– Bazardan yumurta almayın. Yumurta soyuducuda saxlanmalıdır. İnkişaf etmiş ölkələrdə açıqda yumurta satışı qadağandır.
– Yəqin ki, heç bir nəzarət yoxdur, çox rahat şəkildə hərəkət edir…

Telegramda izləyin