Alovlanan hava balonundan yıxılan şəxs dəhşətli şəkildə həlak oldu - VİDEO

Meksikada keçirilən balon festivalı zamanı dəhşətli hadisə baş verib.

Sonxeber.az türk mediasına istinadən xəbər verir ki, alovlanan isti hava balonundan sallanan bir kişi yüksəkdən yerə düşərək həyatını itirib. Hadisə anı mobil telefon kamerası ilə saniyə-saniyə qeydə alınıb.

Faciə bazar günü, Meksikanın Zacatecas şəhərində təşkil edilən ilk Balon Festivalında yaşanıb. Hava balonu havaya qalxmamışdan əvvəl alt hissəsində yanğın başlayıb. O anlarda balonun səbətində üç nəfər olub.

40 yaşlı Luicio adlı şəxs digər iki sərnişini qaçmağa kömək edib. Lakin özü balonun iplərinə dolaşıb və alov içində olan balon havaya qalxıb. Bütün səylərinə baxmayaraq, balon yüksəldikcə Luicionun aşağı düşdüyü an kameralara əks olunub.

Hadisəni izləyən yüzlərlə festival iştirakçısı dəhşətə gəlib. Görüntülər sosial şəbəkələrdə paylaşılaraq milyonlarla baxış toplayıb. Zacatecas əyalətinin baş katibi Rodrigo Reyes Mugüerza hadisə ilə bağlı açıqlama verib:

"Bu bədbəxt hadisə nəticəsində bir vətəndaşımız həyatını itirib. Hadisə yerinə dərhal müdaxilə olunub və araşdırma başladılıb.

Telegramda izləyin