Məktəbli qız sevgilisini qısqandığı sinif yoldaşını döydü - VİDEO

ABŞ-da orta məktəbdə qız şagirdin qısqanclıq zəminində başqa bir qız şagirdə hücum etməsi anı sosial mediada böyük əks-səda doğurub.

Sonxeber.az türk mediasına istinadən xəbər verir ki, buna səbəb qızın məktəbdəki sevgilisini digər qızdan qısqanması olub.

O məktəbin koridorunda yoldaşının saçından çəkərək yerə yıxıb, daha sonra isə yumruq və təpiklərlə qızı döyməyə başlayıb. Ətrafdakı şagirdlərin hadisəyə müdaxilə etməməsi və mobil telefonları ilə lentə alması da diqqət çəkib.

Hadisənin görüntüləri qısa zamanda sosial mediada yayılıb. Kadrlar izləyənləri şoka salıb.

Yerli hakimiyyət hadisənin baş verdiyi məktəbdə intizam istintaqının başladığını və təcavüzkar şagird haqqında qanuni tədbir görülə biləcəyini açıqlayıb. Eyni zamanda hadisənin baş verdiyi dəqiq ştat və məktəb haqqında məlumat əldə etməyə cəhd edilir.

Telegramda izləyin